කිරිපිටි සමාගම් ඉල්ලා ඇති පරිදි රුපියල් 200ක පමණ මිල වැඩිකිරීමක් ලබාදීමට කටයුතු කළ හොත් අවශ්‍ය පමණට කිරිපිටි වෙළඳපොළට ලැබෙනු ඇති බව වෙළඳ අමාත්‍ය බන්ධුල ගුණවර්ධන මහතා පවසනවා.
කෙසේ නමුත්, මේ අවස්ථාවේදී එවැනි මිල වැඩිකිරීමක් සඳහා අවසර ලබාදීමට රජයට හැකියාවක් නොමැති බවයි ඔහු පෙන්වා දෙන්නේ.
කොවිඩ් – 19 වසංගතය යටතේ මුළු ලෝකයේම සැපයුම් ජාලය අඩපණ වී ඇති බවත් එබැවින් සෑම රටකම ප්‍රවාහන ගාස්තු, නැව් ගාස්තු විශාල ලෙස ඉහළ ගොස් ඇති බව පිළිගන්නා නමුත් මේ අවස්ථාවේදී පාරිභෝගිකයන් පිළිබඳව සිටිය යුතු බවයි අමාත්‍යවරයා පවසන්නේ.
“මේ දවස්වල කොවිඩ් – 19 වසංගතය යටතේ මුළු ලෝකයේම සැපයුම් ජාලය කියන එක අඩපණ වෙලා තියෙන්නෙ. ඒක නිසා හැම රටකම ප්‍රවාහන ගාස්තු, නැව් ගාස්තු විශාල ලෙස ඉහළ ගිහිල්ලා තියෙනවා. කිරිපිටි නිෂ්පාදන සමාගම් විශාල අනුපාතයකින් මිල ඉහළ නංවන්න පාරිභෝගික කටයුතු අධිකාරියෙන් අවසර ඉල්ලලා තියෙනවා.
නමුත් අපට එහෙම අවසර දෙන්න පුළුවන්කමක් නෑ මේ අවස්ථාවේදී. ඉතිං පහසු ක්‍රමය තමයි ඕනෙ තරම් කිරිපිටි දෙන්න කියලා ඉවර වෙලා රුපියල් 200කින් විතර මිල වැඩි කළොත් කිරිපිටි වෙළඳපොල පිරෙනවා”
