පාකිස්තාන අගමැති ඉම්රාන් ඛාන්ට එරෙහි විශ්වාසභංග විවාදය ඇරඹීමට සුළු වේලාවකට පෙර, ඔහුට සහය පළකරමින් සිටි ජම්හුරි වටන් පක්ෂයේ ප්‍රධානී ෂාසායින් බුග්ටියාගේ සහාය අහිමි වී ඇති බව වාර්තා වේ.
ආණ්ඩුවෙන් වෙන්වී අගමැතිට එරෙහි විශ්වාසභංගයට පක්ෂව ඡන්දය දෙන බව ඔහු එරට මාධ්‍ය සදහන් කර තිබේ.
ඉම්රාන් ඛාන්ගේ විශේෂ සහකාරවරයකු ලෙස කටයුතු කළ ෂාසායින් බුග්ටි පාකිස්තාන මහජන පක්ෂයේ සභාපති බිලාවල් භූතෝ-සර්දාරි සමඟ පැවති සාකච්ඡාවකින් පසු සිය ධුරයෙන් ඉල්ලා අස් වූ බව ද එක්ස්ප්‍රස් ට්‍රිබියුන් පුවත්පත වාර්තා කළේය.
අගමැති ඉම්රාන් ඛාන්ට එරෙහි විශ්වාසභංග යෝජනාව මාර්තු 8 වැනිදා ඉස්ලාමාබාද්හි පැවති පා ගමනකින් අනතුරුව විපක්ෂය විසින් කතානාකවරයාට භාරදෙන ලද අතර ඒ පිළිබද වන විවාදය මේ වන විට ආරම්භ වී තිබේ.
සතියක් තුළ ඊට අදාළ ඡන්ද විමසීම පැවැත්වෙනු ඇති බවට විශ්වාස කෙරන අතර දැනටමත් බහුතර මන්ත්‍රීවරුන් පිරිසක් එහිදී අගමැතිවරයාට විරැද්ධව ඡන්දය දෙනු ඇති බවට දැනටමත් වාර්තා පළවී ඇත.
