ජනාධිපතිවරයාට විරෝධය පලකරමින් මේ දිනවල සමාජ මාධ්‍යවල සුප්‍රසිද්ධ හෑෂ්ටැගයක්වන #GoHomeGota ප්‍රචාරය කළැයි දෙමළ මාධ්‍යවේදීන් දෙදෙනෙකු සොයා බුද්ධි අංශ ඔවුන්ගේ නිවෙස් වෙත පැමිණ තිබෙනවා.
මෙලෙස හිරිහැරයට පත්ව තිබෙන්නේ මඩකලපුව දිස්ත්‍රික් දෙමළ මාධ්‍යවේදීන්ගේ සංගමයේ ලේකම් එස්. නිලාන්තන් සහ මඩකලපු පුවත්පත් සමාජයේ භාණ්ඩාගාරික පී.සසිකරන් යන අයයි.
ඔවුන්ගේ නිවෙස් වෙත හා ඥාතීන්ගේ නිවෙස් වෙත ගොස් ඇති බුද්ධි අංශ නිලධාරීන් අදාළ සමාජ මාධ්‍ය සටහන් පිළිබදව හා මෙම මාධ්‍යවේදීන් පිළිබදව ප්‍රශ්න කර තිබෙනවා.
බුද්ධි අංශ නිලධාරීන් සදහන් කර ඇත්තේ මෙම ක්‍රියාකාරකම් හරහා ඔවුන් බෙදුම්වාදය ප්‍රවර්ධනය කරන බවයි.
