සිය යුද ශක්තිය ඉහළ නැංවීමට ජපානය තීරණය කර තිබේ.
ඒ, තායිවානය ඉලක්ක කර ගනිමින් කලාපය තුළ චීනය සිදුකරන අත්තනෝමතික යුදමය ක්‍රියාකාරකම්වලට ප්‍රතිචාර දැක්වීමක් වශයෙන්.
ඒ අනුව නවීකරණය කරන ලද දිගුදුර මිසයිල ස්ථානගත කිරීමට ජපානය තීරණය කර ඇතැයි විදෙස් මාධ්‍ය පවසයි.
එම මිසයිල කිලෝ මීටර් 1000 ක පරාසයක් සදහා විහිදුනු ඉලක්ක වෙත මුදා හැරිය හැකි බව ද විදෙස් මාධ්‍ය වාර්තා කර ඇත.
නෞකාවල හෝ ප්‍රහාරක ගුවන් යානාවල සිට දියත් කළ හැකි එම මිසයිල ජපානයට අයත් නැන්සෙයි දූපත්වල ස්ථාන ගත කිරීමට නියමිත බව ද විදෙස් මාධ්‍ය පවසයි.
එම දූපත්වල සිට පහසුවෙන් චීනයේ හා උතුරු කොරියාවේ වෙරළ තීරයන් ඉලක්ක කළ හැකි බව ද සඳහන්.
