වසරේ මේ දක්වා කාලය තුළ (ජනවාරි 01 සිට මාර්තු 24 දක්වා) අමෙරිකා එක්සත් ජනපද ඩොලරයට සාපේක්ෂව ශ්රී ලංකා රුපියල සියයට 14කින් අධිප්රමාණය වී ඇතැයි ශ්රී ලංකා මහ බැංකුව පවසනවා.
ජපන් යෙන් එකට සාපේක්ෂව සියයට 12.1 කින්ද ස්ටර්ලින් පවුමට සාපේක්ෂව සියයට 11.8කින්ද යූරෝවට සාපේක්ෂව සියයට 12.2 කින්ද ඉන්දියානු රුපියලට සාපේක්ෂව සියයට 13.2 කින්ද ශ්රී ලංකා රුපියල අධිප්රමාණය වී තිබෙනවා.
මේ අතර පෙබරවාරි මාසය අවසන් වන විට නිල සංචිත ප්රමාණය ඇමෙරිකානු ඩොලර් මිලියන 2,217ක් දක්වා ඉහළ ගොස් ඇතැයි මහ බැංකුව පවසනවා.
ඒ අතුරින් විදේශ මුදල් සංචිත ප්රමාණය ඩොලර් මිලියන 2,183ක්.
එම ජනවාරි මාසයේ පැවතියේ ඩොලර් මිලියන 2,065ක් ලෙසයි.
මෙම විදේශ මුදල් සංචිත ප්රමාණයට චීන මහජන බැංකුවෙන් ලැබුණු ඩොලර් බිලියන 1.4ක ස්වැප් පහසුකම ද ඇතුලත් වන අතර එය භාවිත කිරීම කොන්දේසිවලට යටත් වනවා.