මහර බන්ධනාගාර නොසන්සුන්තාවේදී මියගිය රැඳවියන් 11 දෙනාම මිය ගොස් ඇත්තේ වෙඩි වැදීමෙන් බව පශ්චාත් මරණ පරීක්ෂණයෙන් හෙළි වී ඇත.
වත්තල මහේස්ත්‍රාත් අධිකරණය හමුවේ ජනවාරි 08 දින අධිකරණය හමුවේ කැඳවු අවස්ථාවේ මෙය අනාවරණය වී ඇත.
පසුගිය නොවැම්බර් 29 දින සිදු වු මහර බන්ධනාගාරයේ සමුලඝාතනයෙන් මියගිය එකොලොස් දෙනාගෙන්, අට දෙනකුම මරුමුවට පත්ව ඇත්තේ වෙඩි වැදීමෙන් සිදුවූ බරපතල තුවාල වලින් බව දෙසැම්බර් 30 දින අධිකරණය හමුවේ තහවුරු වී තිබුණි.
මිය ගිය අදාල රැඳවියන්ගෙන් 09 දෙනෙකුට කොවිඩ් ආසාදනය වී තිබුණු අතර එම රැඳවියන්ගේ සිරැරැ ආදාහනය කිරීමට මහේස්ත්‍රාත්වරයා නියෝග කර තිබුණු අතර අනෙක් රැඳවියන්ගේ සිරැරු භුමිදානයට අවසර ලබා දී තිබුණු අතර ඔහුන්ගේ මෘත ශරීර ඥාතීන්ට ලබා දීමට අවසර ලබා දී ඇත.
තවද මහර බන්ධනාගාරයේ ගැටුම සම්බන්ධයෙන් විවිධ ප්‍රකාශ සිදුකර තිබීම හේතුවෙන් අමාත්‍ය විමල් විරවංස සහ අමාත්‍ය ජයන්ත සමරවීර යන අයගෙන් ප්‍රකාශ ලබාගන්නා ලෙස දෙසැම්බර් 30 දින වත්තල මහේස්ත්‍රාත්වරයා අපරාධ පරීක්ෂණ දෙපාර්තමේන්තුවට නියෝග කර තිබුණු නමුත් අදාල ප්‍රකාශ ලබා ගෙන නැත.
ඒ අනුව මහේස්ත්‍රාත්වරයා ඒ පිළිබඳව ප්‍රශ්ණ කර ඇති අතර එම නියෝග ලබා ගැනීමට නියෝග කර ඇති අතර එසේ ප්‍රකාශ ලබා ගැනීමට නොහැකි නම් එයට හේතු අධිකරණය හමුවේ පවසන ලෙස අපරාධ පරීක්ෂණ දෙපාර්තමේන්තුවට නියෝග කර ඇත.
අදාල නඩුවේ අගතියට පත් වූ පාර්ශවය වෙනුවෙන් නීතීඥ සේනක පෙරේරා, , නීතිඥ අචලා සෙනවිතරත්න ඇතුළු නිතිඥවරුන් හතරක් පෙනී සිට ඇත.
