පාස්කු ඉරිදා ප්‍රහාරය කළේ කවුරුන්දැයි තම දන්නා බවට හිටපු ජනාධිපති මෛත්‍රීපාල සිරිසේන මහතා කළ ප්‍රකාශය සම්බන්ධයෙන් ඔහු ඊයේ (25) දින අපරාධ පරීක්ෂණ දෙපාර්තමේන්තුව හමුවේ පෙනී සිට දුන් කටඋත්තරය නීතීපතිවරයා වෙත යොමු කර ඇති බව වාර්තා වෙනවා.
අපරාධ පරීක්ෂණ දෙපාර්තමේන්තුවේ නිලධාරීන් විසින් මෛත්‍රීපාල සිරිසේන මහතාගෙන් පැය 6කට අධික කාලයක් තිස්සේ ප්‍රශ්න කරමින් ලබා ගත් ප්‍රකාශය ඉදිරි නෛතික කටයුතු සඳහා මෙලෙස නීතීපතිවරයා වෙත යොමු කර තිබෙනවා.
2019 අප්‍රේල් 21 වැනිදාට යෙදුණු පාස්කු ප්‍රහාරයට සම්බන්ධ පුද්ගලයන් පිළිබඳ තමන් දන්නා බව හිටපු ජනාධිපතිවරයා පසුගියදා මහනුවරදී කළ ප්‍රකාශය පිළිබඳව සොයා බලන ලෙස මහජන ආරක්ෂක ඇමැති ටිරාන් අලස් මහතා පොලිස්පතිවරයාට උපදෙස් දීමෙන් අනතුරුව අපාරාධ පරීක්ෂණ දෙපාර්තුමේන්තුව කළ කැඳවීමටකට අනුව මෛත්‍රීපාල සිරිසේන මහතා එහි පෙනී සිටියා.
