සර්ව පාක්ෂික ආණ්ඩුවක් පිහිටුවීම සඳහා තවමත් තමන්ට නිල වශයෙන් ආරාධනා ලැබී නැතැයි දෙමළ සහ මුස්ලිම් දේශපාලන පක්ෂවල නායකයන් පවසනවා.
එවැනි ආණ්ඩුවක් පිහිටුවන බව මාධ්යවලින් පමණක් තමා දුටු බවත් තමාට එවැනි ආරාධනයක් තවමත් ලැබී නැති බවත් සමස්ත ලංකා මහජන කොංග්රසයේ නායක පාර්ලිමේන්තු මන්ත්රී රිෂාඩ් බදුර්දීන් පවසනවා
එවැනි ආණ්ඩුවකට සම්බන්ධ වන්නේ දැයි ආරාධනයක් ලැබුණු පසු සලකා බලන බවත් තවමත් සර්ව පාක්ෂික ආණ්ඩුවකට ආරාධනයක් ලැබී නොමැති බවත් දෙමළ ජාතික සන්ධානයේ මාධ්ය ප්රකාශක පාර්ලිමේන්තු මන්ත්රී එම්.ඒ සුමන්දිරන් පවසනවා.
ජනාධිපතිවරයා දිවුරුම් දුන් අවස්ථාවෙන් පසු පාර්ලිමේන්තු පක්ෂ නායකයන් හමු වූ අවස්ථාවේදී එවැනි ආණ්ඩුවක් පිහිටුවන බව දැනුම් දුන් නමුත් තවමත් එවැනි ආරාධනයක් ලැබී නොමැති බව දමිළ ප්රගතිශීලී සන්ධානයේ නායක පාර්ලිමේන්තු මන්ත්රි මනෝ ගනේෂන් පවසනවා.
ආරාධනයක් ලැබුණු පසු පක්ෂය ඒ ගැන සාකච්ඡා පවත්වා තීරණයක් ගන්නා බවත් මෙතෙක් තම පක්ෂයට එවැනි ආරාධනයක් ලැබී නැති බවත් ජාතික කම්කරු පෙරමුණේ නායක පාර්ලිමේන්තු මන්ත්රී පලනි දිගම්බරම් ප්රකාශ කරනවා.