සින්ද් ප්‍රාන්තය පකිස්තානයේ පාලනයෙන් වෙන්කර ගන්නා බවට මුතාහිදා ක්වාමි සංවිධානය අවධාරණය කරයි.
එහි නිර්මාතෘ සහ නායක අල්ටාෆ් හුසේන් සදහන් කරන්නේ කුමන කැපකිරීමක් හෝ සිදුකර සින්ද් ප්‍රාන්තය පකිස්තානයෙන් මුදාගැනීම තම අපේක්ෂාව බවයි.
පකිස්තානයේ සිවිල් පාලනයක් පවතින බව මතුපිටින් දක්නට ලැබුණත් සැබෑවටම එහි පවතින්නේ සම්පූර්ණයෙන්ම හමුදාව විසින් පාලනය කරන රාජ්‍යයක් යැයි මුතාහිදා ක්වාමි සංවිධානය ප්‍රකාශ කරයි.
මෙම තත්වය හමුවේ සින්ද් ප්‍රාන්තය පකිස්තානයෙන් වෙන්කර වෙනම රාජ්‍යයක් ලෙස පවත්වාගෙන යායුතු බව මුතාහිදා ක්වාමි සංවිධානය සදහන් කරයි.
මුතාහිදා ක්වාමි සංවිධානය 1984 දී කරච්චිය පදනම් කරගෙන ඇරඹුණු දේශපාලන ව්‍යාපාරයක් වන අතර පසුව විවිධ අර්බුද සහ තහනම්වලට ලක්වුණු එය මෙි වනවිට ප්‍රධාන වශයෙන් විදේශගතව සිට සිය කටයුතු මෙහෙයවයි.
