පළාත් අතර සංචරණ සීමා පැනවීමට තීරණය කර එය මැයි 30 වනදායින් අවසන් වන බවට ඊයේ (10) නිවේදනය කලත් එය ආරම්භ වන දිනය තවමත් තීරණය කර නොමැති බව යුද හමුදාපති ජෙනරාල් ශවේන්ද්ර සිල්වා මහතා සඳහන් කරනවා.
එම තීරණය ගැනීමට අවශ්ය සෞඛ්ය අංශ කොන්දේසි ගැනීමට සෞඛ්ය අංශවලට ජනාධිපතිවරයා උපදෙස් දී ඇති බවත් ඒ අනුව ඉදිරි පැය 48 තුළ අනිවාර්යයෙන්ම පළාත් අතර සංචරණ සීමා පනවන බවත් ඔහු ස්වර්ණවාහිනී නාලිකාව සමඟ පැවති සාකච්ඡාවකට එක්වෙමින් සඳහන් කළා.
ඒ අනුව ඊයේ (10) රාත්රියේ පළාත් අතර කිසිදු සංචරණ සීමාවක් පැනවූයේ නැති බවයි යුද හමුදාපතිවරයා සදහන් කරන්නේ.
කෙසේ වෙතත් අදාළ නිවේදනයෙන් පසුව ශ්රී ලංකා ගමනා ගමන මණ්ඩලයට අයත් අන්තර් පළාත් බස් සේවා ඊයේ මධ්යම රාත්රියේ සිට මැයි 30 දක්වා අත්හිටවනු ලැබූවා.
යුද හමුදාපතිවරයාගේ ප්රකාශය පහතින්,