කොවිඩ් 19 වෛරසය මර්දනය කිරීම සඳහා ධම්මික බණ්ඩාර මහතා නිෂ්පාදනය කරන ලද පැණිය ආහාර අතිරේකයක් ලෙස ( Food suppliment) ලබාදීමට රජයේ නිල අනුමැතිය ලබාදී ඇති බව දේශීය වෙදකම පිළිබඳ රාජ්‍ය අමාත්‍ය සිසිර ජයකොඩි මහතා පවසා ඇත.
කෙසේ වෙතත් ඔහු දෙසැම්බර් 09වන දින මාධ්‍ය අමතමින් පවසා සිටියේ අදාල පැණිය සදහා ආයුර්වේද දෙපාර්තමේන්තුවේ නිල අනුමැතිය ලැබිි ඇති බවය.
කෙසේ වෙතත් අවසානයේ එය ආහාර අතිරේකයක් වශයෙන් රජයේ ලියාපදිංචි කරවාගෙන ඇත.
ධම්මික බණ්ඩාර දේශීය වෛද්‍ය ක්‍රම පිළිබඳ ජාතික කමිටුව එම ඖෂධයේ අඩංගු ද්‍රව්‍ය හා පසුබිම පිළිබඳ විමසූ අවස්ථාවේදී, ඔහු එම ඖෂධය දෙවියන්ගෙන් ලැබුණු එකක් බව ඔහු පවසා ඇති බව ආයුර්වේද දෙපාර්තමේන්තුවේ නිලධාරීන් කිහිපදෙනෙකුම නිව්ස්19 සමඟ පැවසීය.
නොවැම්බර් 29 වන දින දේශිය ක්‍රම පිළිබඳ ජාතික කමිටුව ධම්මික මහතාව කැඳවු අවස්තාවේදී කමිටුවේ සාමාජිකයන්ට පිළිතුරු ලබා දෙමින් පවසා ඇත්තේ තමන් දේශීය වෛද්‍යවරයෙක් නොවන බවත්, පාරම්පරික පසුබිමක් නොමැති බවත්, තමන්ට ඖෂධ පිළිබඳ අධ්‍යාපනයක් නොමැති බවත්ය.
අදාළ ඖෂධය සාදා ඇත්තේ කෙසේ දැයි විමසූ අවස්ථාවේදී ඖෂධයේ අඩංගු ද්‍රව්‍ය පිළිබඳවත්, වට්ටෝරුව ලබාගත් ආකාරය විමසීමේදී ඔහු පිළිතුරු දීමට අසමත්ව ඇත.
කෙසේ වෙතත් පුද්ගලයෙකු විසින් ධම්මික බණ්ඩාර පිළිබඳ දෙසැම්බර් 03 වැනිදා ආයුර්වේද වෛද්‍ය සභාවට පැමිණිල්ලක් කර තිබුණි. එම පැමිණිලේලෙහි සඳහන් කර ඇත්තේ ධනපාල නම් පුද්ගලයෙකු දේශීය වෛද්‍යවරයෙකු යැයි පෙනී සිටිමින් දැනට ලෝකයට මහත් ගැටලුවක්ව පවතින කොවිඞ් 19 රෝගයට ප්‍රත්‍යක්ෂ ඖෂධයක් සොයාගත් බවට බොහෝ ජනමාධ්‍ය හරහා ප්‍රචාරණය කරමින් සිටින බවත් අදාල පුද්ගලයා පිළිබඳව විමර්ශනයක් සිදු කරන ලෙසය.
