නුගේගොඩ ජුබිලි කණුව ආසන්නයේ දී ඊයේ (31) අත්අඩංගුවට පත් වූ අරගලයේ හිටපු ක්රියාකාරීන් තිදෙනෙක් පොලිස් ඇප මත මුදා හැර තිබෙනවා.
මෙලෙස පොලිස් අත්අඩංගුවට ගෙන තිබුණේ අරගලයේ හිටපු ක්රියාකාරීන් වූ ධානීෂ් අලී සහ අනුරුද්ධ බණ්ඩාර ඇතුළු තිදෙනෙකුයි.
ඔවුන් මිරිහාන පොලීසිය වෙත රැගෙන යාමෙන් පසුව පොලිස් ඇප මත මුදාහැර තිබුණා.
හිටපු ජනාධිපති ගෝඨාභය රාජපක්ෂගේ මිරිහානේ පිහිටි පෞද්ගලික් නිවස ඉදිරිපිට පසුගිය වසරේ මාර්තු 31 වනදා සිදු කළ විරෝධතාවයට වසරක් සම්පූර්ණ විම නිමිත්තෙන් අරගලයේ කණ්ඩායමක් විරෝධතාවයක් සංවිධානය කර තිබුණා.
විරෝධතාව ආරම්භ කිරීම සඳහා පිරිසක් එම ස්ථානයට පැමිණීමත් සමඟ පොලීසිය සහ විරෝධතාකරුවන් අතර උණුසුම් තත්ත්වයක් ඇති වුණා.