ජනාධිපති ගෝඨාභය රාජපක්ෂ මහතා විසින්, රටේ ගැමි ජනතාවගේ ගැටලු හඳුනා‍ගෙන විසඳුම් ලබාදීම සඳහා ආරම්භ කර ඇති ‘ගම සමග පිළිසඳර’ හෙට (03) වව්නියාවේදී පැවැත්වීමට නියමිතය.
මෙය උතුරු පළාතේදී පැවැත්වෙන පළමු ගම සමග පිළිසඳ වැඩසටහනයි.
මෙම වැඩසටහන සඳහා වව්නියාව දිස්ත්‍රික්කයේ, වව්නියාව උතුර ප්‍රාදේශීය ලේකම් කොට්ඨාසයට අයත් වෙඩිවෛත්‍යකල්ල ග්‍රාම නිළධාරී කොට්ඨාසය තෝරාගෙන තිබෙනවා. එම වසමට අයත් බෝගස්වැව මහා විද්‍යාල භූමියේදී ගම සමග පිළිසඳර හෙට පෙරවරු 10 ට ආරම්භ වේ.
මෙය ගම සමග පිළිසඳ වැඩසටහනේ 17 වැනි පියවරයි.
