කොවිඩ් ආසාදිතව ප්රතිකාර ලබමින් සිටි ඒලියන්ත වයිට්ගේ අභාවය සම්බන්ධයෙන් අග්රාමාත්ය මහින්ද රාජපක්ෂ මහතා සිය ශෝකය පළකර තිබේ.
සිය නිල ෆේස්බුක් පිටුවේ සටහනක් තබමින් අග්රාමාත්යවරයා පවසන්නේ ඔහුගේ හදිසි අභාවයෙන් බෙහෙවින් කණගාටුවට පත්වූ බවයි. වෛද්ය ඒලියන්ත, ක්රීඩකයින් ඇතුළු දෙස් විදෙස් විශාල පිරිසකට සිය රෝගාබාධ සුවපත් කර ගැනීමට උදව් කළ බවත් කෘතවේදීව සිහිපත් කරන බව අග්රාමාත්යවරයා පවසනවා.
මහින්ද රාජපක්ෂ මහතාගේ ප්රධාන වෛද්යවරයා ලෙස සේවය කළ ඒලියන්ත වයිට් ඒ දිනවල මාධ්ය තුළ හැඳින්වුණේ “රාජකීය වෛද්යවරයා” යනුවෙනි.
ඒලියන්ත වයිට් මහතා අවස්ථා කිහිපයකදීම සඳහන් කළේ කොවිඩ් වසංගත තත්ත්වය පාලනය කිරීම සඳහා තමන් හට කුණ්ඩලීනි ශක්තිය ඇති බවයි.
ඔහු ඉන්දියාවේ කොවිඩ් 19 ව්යාප්තිය පාලනය කිරීම සදහාද සම්බන්ධ වූ බවට මෑතකදී මාධ්ය වාර්තා කළා.