හෙට සිට රාජ්ය සේවය යළි සක්රිය කිරීමට කටයුතු කරන බව රාජ්ය සේවා, පළාත් සභා හා පළාත් පාලන අමාත්ය ජනක බණ්ඩාර තෙන්නකෝන් මහතා පවසනවා.
ඒ, අත්යවශ්ය රාජ්ය සේවාවන්වලට ප්රමුඛතාව ලබාදෙමින්.
ඊට අදාළ සාකච්ඡාවක් ද මුදල් අමාත්ය බැසිල් රාජපක්ෂ සමග ඊයේ පවත්වා ඇති අතර ඒ අනුව හෙට රට විවෘත කිරීමත් සමඟ රාජ්ය සේවය සාමාන්ය පරිදි ක්රියාත්මක කිරීමට බලාපොරොත්තු වන බවයි නිවේදනයක් නිකුත් කරමින් ජනක බණ්ඩාර තෙන්නකෝන් මහතා පවසන්නේ.
මේ සඳහා වන චක්රලේඛය ද අද නිකුත් කිරීමට නියමිතයි.
කෙසේ නමුත්, ඇඳිරි නීතිය ඉවත් කළත් ඉදිරි සති දෙක තුළ කිසිදු දුම්රියක් ධාවනය නොකරන බව වාහන නියාමනය, බස් රථ ප්රවාහන සේවා හා දුම්රිය මැදිරි හා මෝටර් රථ කර්මාන්ත රාජ්ය අමාත්ය දිලුම් අමුණුගම මහතා පවසනවා.
එමෙන්ම ඉදිරි සති දෙක තුළ අන්තර් පළාත් බස්රථද ධාවනය නොකරන බවද රාජ්ය අමාත්යවරයා සඳහන් කරනවා.