රනිල් වික්රමසිංහ චරිතය ඉදිරියට පැමිණෙන්නේ වෙන කිසිවෙකුගේ හෝ වුවමනාවට නොව රාජපක්ෂවරුන්ගේ වුවමනාවටම බව පූජ්ය ඕමල්පේ සෝභිත ස්වාමීන් වහන්සේ පවසනවා.
ඒ, පවතින අර්බුදකාරී දේශපාලන වාතාවරණය පිළිබඳ ජවිපෙ ප්රධාන කාර්යාලයේදී එහි නායකයින් හා පූජ්ය ඕමල්පේ සෝභිත හිමි ප්රමුඛ භික්ෂූන් වහස්සේ පිරිසක් සමඟ පැවති සකචජවෙන් අනතරුව මාධ්ය වෙත අදහස් දක්වමින්.
රනිල් වික්රමසිංහ පැමිණෙන්නේ රාජපක්ෂවරුන්ගේ ආරක්ෂාව සඳහා බවයි උන්වහන්සේ අවධාරණය කරන්නේ.
ජනාධිපති ගෝඨාභය රාජපක්ෂ විසින් කිසිදු ජන පදනමක් නැති රනිල් වික්රමසිංහ වෙත අගමැති ධූරය ලබා දීම ජනතාව අපේක්ෂා කළ වෙනසක් නොවන අතර එම මාළිගා කුමන්ත්රණ ජනතාව පිළිනොගන්නා බවයි ජනතා විමුක්ති පෙරමුණේ නායක පාර්ලිමේන්තු මන්ත්රී අනුර දිසානායක පෙන්වා දෙන්නේ.
මෙම සාකච්ඡාව වෙනුවෙන් පූජ්ය ඕමල්පේ සෝභිත හිමි,පූජ්ය මහාචාර්ය හොලගන්වත්තේ චන්ද්රසිරි හිමි, පූජ්ය හැඩිගල්ලේ විමලසාර හිමි, පූජ්ය රජවත්තේ වප්ප හිමි, පූජ්ය පාහියංගල ආනන්ද සාගර හිමි ඇතුළු භික්ෂූන් වහන්සේ එකළොස්නමක් වැඩමකර සිටියහ.
මෙම සාකච්ඡාවේදී ගෝඨාභය රාජපක්ෂ ජනාධිපතිවරයා විසින් සකස් කිරීමට යන නව ආණ්ඩුව පිළිගත නොහැකි බවටත් ජනතාවගේ වුවමනාව වෙනුවෙන් එය පරාජයට පත් කළ යුතු බවටත් දෙපාර්ශ්වයම එකඟත්වය ප්රකාශ කර ඇත.