ජනාධිපති රනිල් වික්රමසිංහ මහතා ඓතිහාසික කතරගම පුද බිම වෙත ගොස් ආගමික වතාවත්වල නිරත වූ බව ජනාධිපති මාධ්ය අංශය වාර්තා කර තිබෙනවා.
කිරිවෙහෙර විහාරාධිපති කොබවක ධම්මින්ද නා හිමි බැහැ දුටු ජනාධිපතිවරයා උන්වහන්සේගේ සුව දුක් විමසමින් කෙටි පිළිසඳරක නිරතව තිබෙනවා.
අනතුරුව පැවති ආගමික වතාවත්වලට සහභාගී වූ ජනාධිපතිවරයා ආශිර්වාද ලබා ගත් බව සඳහන්.
කතරගම වාර්ෂික ඇසළ මහා පෙරහර මංගල්යයේ අවසන් දින පෙරහර ආරම්භ කරමින් කණ්ඩුල හස්ති රාජයා මත සධාතුක කරඬුව තැන්පත් කිරීම ද ජනාධිපති රනිල් වික්රමසිංහ මහතා අතින් සිදුව තිබෙනවා.
අනතුරුව අවසන් මහා පෙරහර නැරඹීමට එක් වූ ජනාධිපතිවරයා කතරගම සමන් මහා දේවාලය වෙත ද ගොස් ආශිර්වාද ලබා ගත් අතර මේ අවස්ථාවට ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක හා ජනාධිපති කාර්ය මණ්ඩල ප්රධානි සාගල රත්නායක මහතාද එක්ව සිටියා.