ඉදිරියේ දී මෙරට විදේශ විනිමය තත්ත්වය දියුණු වීම සමඟ අත්‍යාවශ්‍ය භාණ්ඩ, ඖෂධ, සංචාරක ක්ෂේත්‍රය අවශ්‍ය භාණ්ඩවල ආනයන සීමා ක්‍රමානුකූලව ඉවත් කිරීමට රජය කටයුතු කරන බව ජනාධිපති රනිල් වික්‍රමසිංහ මහතා පවසනවා.
ජනාධිපතිවරයා මේ බව කියා සිටියේ ශ්‍රී ලංකාවට ලැබුණු IMF එකඟතාව සම්බන්ධයෙන් විශේෂ ප්‍රකාශයක් කරමින්.
ජාත්‍යන්තර මූල්‍ය අරමුදලෙහි විස්තීරණ ණය පහසුකම ශ්‍රී ලංකාවට ලබා ගැනීම වෙනුවෙන් සහාය දැක්වූ සියලු රටවලටත්, ජාත්‍යන්තර මූල්‍ය අරමුදලේ සහ ලෝක බැංකුවේ ප්‍රධානීන් දෙදෙනාටත් ශ්‍රී ලාංකික ජනතාව වෙනුවෙන් සිය හෘදයාංගම ස්තූතිය පුද කර සිටින බවයි ඔහු වැඩිදුරටත් සඳහන් කළේ.
