හිටපු මුදල් අමාත්‍යවරයකු මෙන්ම ප්‍රකට ආර්ථික විශේෂඥයකුවූද රොනී ද මැල් මහතා කොළඹ පෞද්ගලික රෝහලකදී අද ( 27) අභාවප්‍රාප්ත වුණා
මිය යන විට ඔහු 98 වැනි වියේ පසුවුණා.
රොනී ද මැල් මහතා අයවැය ලේඛන 11 ක් ඉඳිරිපත් කළ අතර නිදහස් වෙළෙඳ ආර්ථිකය ශ්‍රී ලංකාවට හඳුන්වාදීමේ පුරෝගාමි මෙහෙවරක් ඉටුකරනු ලැබූවා.
ජේ.ආර් ජයවර්ධන ජනාධිපතිවරයාගේ පාලන සමයේ මුදල් අමාත්‍යවරයා වූ රොනී ද මැල් මහතා වරක් ඔහු විසින් එම වසරේ අයවැය පාර්ලිමේන්තුවට ඉදිරිපත් කිරීමෙන් පසු ඊට පසු දින ‘ඇත්ත‘ පුවත්පතෙහි සිරස්තලය වී තිබුණේ ‘හිල් මැකූ අයවැයක්‘ යනුවෙනි.
මදක් පමාවීමෙන් පසුව බොහෝ දෙනාට එහි යටිපෙළ තේරුම් ගොස් තිබුණා.
2005 වසරේදී දේශපාලනයෙන් සම්පූර්ණයෙන් විශ්‍රාම ගත් රොනී ද මැල් මහතා 2005 සිට 2010 දක්වා හිටපු ජනාධිපති මහින්ද රාජපක්‍ෂ මහතාගේ මුදල් හා ආර්ථික කටයුතු පිළිබඳ ජ්‍යෙෂ්ඨ උපදේශකයකු වශයෙන් ද අවසානයේ කටයුතු කළා.
