රජයේ සහ රජයේ අනුමත පෞද්ගලික පාසල් නැවත 2022 ජූලි 25 වන සඳුදා දින ආරම්භ වන බව අධ්යාපන අමාත්යාංශය නිවේදනයක් නිකුත් කරමින් සඳහන් කරනවා.
ඒ අනුව නැවත දැනුම්දෙන තුරු සඳුදා, අඟහරුවාදා සහ බ්රහස්පතින්දා පාසල් පැවැත්වීමද බදාදා සහ සිකුරාදා දිනවල දී සිසුන්ට නිවෙස්වල සිට ඉගෙනීමේ කටයුතුවල නිරත විය හැකි ක්රියාකාරකම් ලබාදෙන බවද අධ්යාපන අමාත්යංශය පවසනවා.
නැතහොත් බදාදා සහ සිකුරාදා මාර්ගගතව ඉගෙනුම් ඉගැන්වීම් කටයුතු සිදු කිරීමට තීරණය කර ඇති බව අධ්යාපන අමාත්යාංශය ප්රකාශ කරනවා.
ඒ අනුව 2022.07.19 වන දින නිකුත් කර ඇති මාධ්ය නිවේදනයට අනුව, පළාත් අධ්යාපන ලේකම්වරුන්, පළාත් අධ්යාපන අධ්යක්ෂවරුන්, කලාප අධ්යාපන අධ්යක්ෂවරුන්, කොට්ඨාස භාර නියෝජය / සහකාර අධ්යාපන අධ්යක්ෂවරුන් සහ සියලුම විදුහල්පතිවරුන් වෙත අධ්යාපන අමාත්යාංශය මෙම උපදෙස් ලබාදී ඇති බවද නිවේදනයේ සදහන්.
මේ අතර පාසල් ළමුන් ප්රවාහනය කරන බස් සහ වෑන් රථ සඳහා අද (23) සවස 3.00 සිට දිවයින පුරා පිහිටි සියලු ලංගම ඩිපෝ මගින් ඉන්ධන සපයා ගැනීමට අවස්ථාව සලසන ලෙස ජනාධිපති රනිල් වික්රමසිංහ මහතා ප්රවාහන අමාත්යවරයාට උපදෙස් ලබාදී තිබෙනවා.
ලබන සඳුදා (25) සිට දිවයින පුරා පාසල් ආරම්භ කිරීමේදී පාසල් ළමුන් සඳහා අවශ්ය ප්රවාහන පහසුකම් සැලසීම වෙනුවෙන් එම පියවර ගෙන ඇති බවයි ජනාධිපති මාධ්ය අංශය සදහන් කරන්නේ.