ඉදිරියේ දී බීමත් රියදුරන්ට පොලිස් ඇප ලබා නොදීමට තීරණය කර තිබෙනවා.
ඒ අනුව ඔවුන්ට එරෙහිව අධිකරණය හමුවේ නඩු පවරන ලෙස රථ වාහන කොට්ඨාසය භාර නියෝජ්ය පොලිස්පතිවරයා පොලිස් ස්ථාන වෙත උපදෙස් ලබා දී ඇති බවයි වාර්තා වන්නේ.
පොලිස් මූලාස්ථානාධිපතිවරුන්, ස්ථානාධිපතිවරුන් සහ රථ වාහන අංශයේ ස්ථානාධිපතිවරුන් කැඳවා වාචික මේ සම්බන්ධයෙන් උපදෙස් ලබා දීමෙන් බවයි සඳහන් වන්නේ.
බීමත් රියදුරන් පොලිස් නිලධාරීන් විසින් අත්අඩංගුවට ගැනීමෙන් පසු ක්රම දෙකක් යටතේ ඔවුන් පරීක්ෂණ සඳහා යොමු කෙරෙනවා.
ඉන්පසු පොලිස් ඇප මත රියදුරන් නිදහස් කිරීමට පොලිස් මුලස්ථානධිපතිවරුන් සහ ස්ථානාධිපතිවරුන්ට මෙතෙක් අවසර ලබාදී තිබුණා.
ඊට අමතරව අදාළ වාහනය වෙනත් පුද්ගලයෙක්ට ද නිදහස් කිරීමට පොලීසියට හැකියාවක් පැවැත්වුණා.
කෙසේ වෙතත් බීමත්ව රිය පැදවීම නතර කිරීමට සහ අනතුරු අවම කිරීම සඳහා මෙම නව තීරණය ගෙන ඇති බවයි වැඩිදුරටත් වාර්තා වන්නේ.