ශ්‍රී ලංකා පොදු ජන පෙරමුණ පක්ෂය තුළ පොහොට්ටු පක්ෂය තුළ අභ්‍යන්තර වශයෙන් බෙදීමක් හට ගෙන ඇති බවට පුවතක් ‘ඩේලි මිරර්’ වාර්තා කරනවා.
ඉදිරි ජනාධිපතිවරණය සඳහා ඉදිරිපත් කරන අපේක්ෂකයා සම්බන්ධයෙන් පොදු ජන පෙරමුණ පක්ෂයක් වහ්සයෙන් ගත යුතු මාර්ගය කුමක්ද යන ප්‍රශ්නය මතයි.
පොදු ජන පෙරමුණේ එක් පිරිසක් එම පක්ෂය තුළින් ජනාධිපති අපේක්ෂකයෙකු ඉදිරිපත් කළ යුතුය යන ස්ථාවරය දරන අතර තවත් පිරිසක් වත්මන් ජනාධිපති රනිල් වික්‍රමසිංහ මහතාට ලබා දිය යුතුය යන ස්ථාවරය මත කටයුතු කිරීම මෙම බෙදීමට හේතු වී තිබෙනවා.
මේ අතර, ශ්‍රී ලංකා පොදු ජන පෙරමුණ විසින් මේ මොහොතේ වත්මන් ජනාධිපති රනිල් වික්‍රමසිංහ මහතාට සහාය දැක්විය යුතු බවට, ආණ්ඩු පක්ෂයේ ප්‍රධාන සංවිධායක අමාත්‍ය ප්‍රසන්න රණතුංග මහතා පවසා තිබුණා
ඔහු තවදුරටත් සඳහන් කර ඇත්තේ ජනාධිපතිවරණය සඳහා තරඟ වැදිය හැකි මට්ටමේ අපේක්ෂකයෙකු පොදු ජන පෙරමුන පක්ෂයේ මේ අවස්ථාව වන විට නොසිටින බැවින් එම පක්ෂයෙන් අපේක්ෂකයෙකු ඉදිරිපත් කිරීම සිදු නොකළ යුතු බවයි.
ඔහු හා සමානවම, ආණ්ඩුව තුළ වගකීම් දරන පොහොට්ටු පක්ෂ සාමාජික අමාත්‍යවරු කිහිප දෙනෙක්ම මෙම ස්ථාවරය දරන බවයි වාර්තා වෙන්නේ.
මේ අතර, නාමල් රාජපක්ෂ මහතා පොදු ජන පෙරමුණේ ජාතික සංවිධායක ධූරයට පත් කිරීමේ තීරණයද ප්‍රසන්න රණතුංග අමාත්‍යවරයා විසින් විවේචනයට ලක් කර තිබෙනවා.
පසුගිය දා පොහොට්ටු පක්ෂයේ විධායක කමිටුව රැස් වූ අවස්ථාවේ දී ජනාධිපති අපේක්ෂකයා සම්බන්ධයෙන් මෙම ප්‍රශ්නය පැන නැගී ඇති අතර තවමත් ජනාධිපතිවරණයක් ප්‍රකාශයට පත් කර නැති බැවින් ඒ පිළිබදව දීර්ඝ සාකච්ඡාවක් සිදු වී නැහැ.
