සංචාරක ශ්රී ලංකා කාන්තා කණ්ඩායම සහ දකුණු අප්රිකානු කාන්තා කණ්ඩායම අතර දෙවන එක්දින ක්රිකට් තරගය අද (13) පැවැත්වෙනවා.
එය දිවා රාත්රී තරඟයක් ලෙස මෙරට වේලාවෙන් පස්වරු 5.30ට කිම්බ්ලිහිදී පැවැත්වීමට නියමිතයි.
තරඟ 03කින් සමන්විත එක්දින තරඟාවලියේ 09 වැනිදා පැවති පළමු තරඟය වර්ෂාව හේතුවන් අත්හැර දැමීමට සිදු වුණා.
මෙම තරඟාවලිය ICC කාන්තා ශූරතාවලියට ඇතුළත් බැවින් තරඟාවලියේ ජය වඩා වැදගත් වී ඇත්තේ ශ්රී ලංකා පිලටයි.
ඔවුන් මේ වන විට ප්රසාද ලකුණු සටහනේ 8 වැනි ස්ථානයේ පසු වන්නේ තරඟ 16කින් 4ක් පමණක් ජය ගනිමින් ප්රසාද ලකුණු 12ක් සමඟින්.
මෙම තරඟ දෙක ජය ගැනීමට ශ්රී ලංකා පිලට හැකි වුවහොත් ලකුණු 16ක් සමඟ 5 හෝ 6 වැනි ස්ථාන වෙත ළඟාවීමට ශ්රී ලංකා පිලට අවස්ථාව තිබෙනවා.
කෙසේවෙතත් මෙවර සංචාරයේදී ශ්රී ලංකා ක්රීඩිකාවන් දකුණු අප්රිකාවට එරෙහිව පළමු විස්සයි20 තරඟාවලිය ජය වාර්තා කළ අතර, එම ජයග්රාහී මානසිකත්වයෙන් එක්දින තරඟාවලියත් ජය ගෙන ඉතිහාසයේ නව පිටුවක් පෙරළීම ශ්රී ලංකා කණ්ඩායමේ අරමුණ වී තිබෙනවා.
දෙපිල අතර තෙවැනි සහ අවසන් එක්දින තරඟය 17 වැනිදා පොච්ෆ්ස්ට්රූම්හිදී පැවැත්වීමට නියමිතයි.