නිරෝධායන ඇඳිරි නීතිය කඩ කරනනන් පිළිබඳව සොයා ඔවුන්ට එරෙහිව දැඩිව නීතිය ක්රියාත්මක කරන ලෙස ජනාධිපති ගෝඨාභය රාජපක්ෂ මහතා නිලධාරීන්ට උපදෙස් දී තිබෙනවා.
ඒ, කොවිඩ් මර්ධන විශේෂ කමිටුව සමග අද (20) පෙරවරුවේ ජනාධිපති කාර්යාලයේ පැවති හමුවේදීයි.
මෙම කාල සීමාවේදී දේශීය ඖෂධ ග්රාමීය සහ නාගරික මට්ටමින් ජනතාවට ලබාදීමට පියවර ගන්නා ලෙසත් මෙහිදී ජනපතිවරයා උපදෙස් දී තිබෙනවා.
එමෙන්ම, අද (20) රාත්රී 10.00 සිට අගෝස්තු මස 30 වන සඳුදා අළුයම 4.00 දක්වා මුළු දිවයිනටම බලපැවැත්වෙන පරිදි නිරෝධායන ඇඳිරි නීතිය ක්රියාත්මක කිරීමට තීරණය කළේ වයස අවුරුදු 60 වැඩි මෙතෙක් එන්නත ලබා නොගත් සියලුදෙනාට එන්නත ලබාදීම ඉලක්ක කර ගනිමින් බවයි පැවසෙන්නේ. එමෙන්ම, සැප්තැම්බර් 01 දාට පෙර ඔවුන් එන්නත්කර අවසන් කරන ලෙසත් ජනපතිවරයා නොයෝග ලබාදී තිබෙනවා.
ප්රාදේශීය ලේකම්, පළාත් පාලන ආයතන ප්රධානීන් හා ග්රාමීය කොවිඩ් මර්දන කමිටු හරහා එම පිරිස් හඳුනාගෙන එන්නත්කරණය සඳහා සෞඛ්ය අංශ වෙත 23 සඳුදාදිනට පෙර වාර්තා කළයුතු වන අතර 1906 ක්ෂණික දුරකථන අංකයට හෝ කොරෝනා මර්ධන ජාතික මෙහෙයුම් මධ්යස්ථානයටකතා කිරීමෙන් ලියාපදිංචි වීමේ පහසුකම ද සලසා තිබේ.
නිරෝධායන ඇඳිරි නීතිය බලපැවැත්වෙන කාලය තුළ කෘෂිකාර්මික, ඇඟලුම්සහ ඉදිකිරීම්කර්මාන්ත, අපනයන කර්මාන්ත,ඖෂධ අළෙවි සැල් ඇතුළු අත්යාවශ්ය සේවා හාගුවන් තොටුපොළ සහ ගුවන් යානා මෙහෙයුම් අඛණ්ඩව පවත්වාගෙන යාමට ද ජනාධිපතිවරයා උපදෙස් දෙනු ලැබුවා.