මැදවච්චිය පොලිසියේ නිලධාරීන් කිහිපදෙනෙකු සිදුකළ බව කියන පහරදීමකින් තරුණයෙකුට සැත්කමක් සිදුකර තිබෙනවා.
පොලිසිය සඳහන් කරන්නේ බීමත්ව සිටි මෙම තරුණයා අණනොතකා තම රථය ධාවනය කර ඇති බවයි.
මැදවච්චිය තුලාවේලි ගම්මානයේ පදිංචි වයස අවුරුදු 23ක තරුණයෙකු සිය ලොරි රථය ධාවනය කරමින් සිටියදී මැදවච්චිය පොලිස් නිලධාරීන් එය නතර කරන ලෙසට අණකර තිබුණා.
පොලීසිය පවසන්නේ තවත් තරුණයෙකු සමග මෙම රථය ධාවනය කළ තරුණයා පොලිස් නිලධාරීන් පසුකර ගොස් ඇති බවයි.
කෙසේවෙතත් තමන් පොලිස් නිලධාරීන් නුදුටු බව අදාළ තරුණයින් පවසා තිබුණා.
අනතුරුව, ලොරි රථය පසුපස හඹා ආ පොලිස් නිලධාරීන් එය නතර කර තිබෙනවා.
පසුව එම ස්ථානයට තවත් නිලධාරීන් පිරිසක් පැමිණ මෙම තරුණයන්ට පහරදුන් බවයි ඔවුන්ගේ ඥාතීන් කියා සිටිනවා.
පසුව රථය ධාවනය කළ රියදුරා මැදවච්චිය රෝහලට ඇතුලත් කෙරුණු අතර එහිදී තත්ත්වය බරපතළ වු බැවින් මෙම තරුණයා අනුරාධපුර ශික්ෂණ රෝහලට ඇතුළත් කර තිබෙනවා.
අනතුරුව ශල්යකර්මයකින් ඔහුගේ වෘෂණ කෝෂයක් ඉවත් කෙරුණා.
කැබිතිගොල්ලෑව පොලිස් අධිකාරීවරයාගේ මෙහෙයවීමෙන් මේ සම්බන්ධයෙන් විශේෂ විමර්ශනයක් ක්රියාත්මකයි.