තලේබාන් සංවිධානයේ ප්රහාරයකින් ඇෆ්ගනිස්තාන හමුදා සාමාජිකයන් 20 දෙනෙකු මියගොස් තවත් 14 දෙනෙකු තුවාල ලබා තිබේ.
ප්රහාරය එල්ල වී ඇත්තේ ඇෆ්ගනිස්තානයේ හෙල්මාන්ඩ් පළාතේ නහර්සිරාජ් නම් හමුදා කදවුරක් ඉලක්ක කරගෙනයි.
තලේබාන් සංවිධානය,ඇෆ්ගනිස්තාන රජය සහ ඇමරිකාවේ මැදිහත්වීමෙන් සාම සාකච්ඡා පැවැත්වෙමින් තිබියදිී මෙම ප්රහාරය එල්ල වීම බරපතල තත්වයක් බව විදෙස් මාධ්ය වාර්තා කරයි.
මේ අතර මෙවැනි ගැටුම් හේතුවෙන් ඇෆ්ගනිස්තානයේ ඇමරිකානු හමුදා රදවා තැබීමේ කාලසීමාව තවත් මාස හයකින් දීර්ඝ කිරීමට බයිඩන් පරිපාලනය සූදානම් වන බව වාර්තා වේ.
මීට පෙර පැවති ට්රම්ප් පාලනය මගින් මැයි මස 01 වනදා වනවිට ඇෆ්ගනිස්තානයෙන් ඇමරිකානු හමුදා ඉවත් කර ගැනීමට සැලසුම් කර තිබිණ.