29 C
Colombo
Thursday, March 23, 2023

මිත්තනියට නොසැලකූ නවක නිළි ටනාෂා හතරසිංහට වැඩ වරදියි

- Advertisement -

නවක රංගන ශිල්පිනියක්වන රුචිනි තනාෂා හතරසිංහ දේවගේ යන අයගේ මිත්තණිය හට අකාරුණිකව, අකෘතඥතාවයෙන් හා ගුණමකුව සලකා ඇති බවට කොළඹ දිසා අධිකරණය අද (15) තීන්දු කළා.

තම ප්‍රාණ භුක්තිය තබාගනිමින් දේපල පවරා දුන් මිත්තණියට ආදරය කරුණාව නොදක්වා සැළකීම මත රුපියල් මිලියන 5 ක වන්දියක්ද, මිත්තනියට අයත් දේපල නීත්‍යානුකූලව පවරා දෙන තෙක් මාසකට රුපියල් තිස් දහස බැගින් දීමනාවක්ද මිත්තණියට ගෙවන ලෙසට තනාෂා හතරසිංහ මහත්මිය හට දිසා අධිකරණය නියෝග කරනු ලැබූවා.

හැත්තෑ දෙහැවිරිදි ජයන්තී පෙරේරා නැමැති මිත්තණිය විසින් ඇයගේ මිනිබිරිය වන තනාෂා සතරසිංහට එරෙහිව පැවරූ නඩුවක් සලකා බැලීමෙන් පසුව කොළඹ ප්‍රධාන දිසා විනිසුරු පූර්ණිමා පරණගමගේ මහත්මිය මෙම තීන්දුව ප්‍රකාශයට පත් කළා.

දේපළ පවරා දුන් මිත්තණියට අකාරුණික වූවා පමණක් නොව, අධිකරණය ඉදිරියේ සාක්ෂි ලබා දීමේදී පවා කිසිදු ගරු සරුවක් නොමැතිව කතා කර ඇති බව දිසා විනිසුරුවරිය සිය තීන්දුව මගින් පෙන්වාදී තිබුණා.

තීන්දුව ප්‍රකාශයට පත්කරමින් විනිසුරුවරිය සදහන් කළේ ආදරය, කරුණාව දක්වා කෘතඥ පූර්වකව රැක බලා ගැනීම වෙනුවට ආකාරුණිකව,ගුණමකුව හා අකෘතඥතාවයෙන් සැලකීම පැමිණිල්ල මගින් මනාව ඔප්පු කර ඇති බවයි.

තනාෂා හතරසිංහ මහත්මියගේ මිත්තණිය විසින් 2016 වසරේදී මෙම නඩුව පවරා තිබූ අතර නීතිඥ ඉරාජ් ද සිල්වා මහතා පැමිණිල්ල වෙනුවෙන් කරුණු දක්වනු ලැබූවා.

1972 වසර සිට කොළඹ – කොල්ලුපිටිය ප්‍රදේශයේ පිහිටි මෙම නිවසේ සිය දරු දැරියන් සමග ජීවත් වූ ජයන්ති පෙරේරා මහත්මිය සිය පවුලේ කුළුඳුල් මිණිබිරිය වන තනාෂා සතරසිංහ යන අය හට 2010 වසරේදී ප්‍රාණ භුක්තිය තබා ගනිමින් අදාළ දේපළ පවරා දී තිබෙනවා.

දේපල පවරා දීමට පෙර මිත්තණිය සමඟ කුලුපගුව සිට ඇති විත්තිකාරිය ඔප්පු ලියාපදිංචි කිරීමෙන් පසුව නිවසේ වහල අලුත්වැඩියා කිරීමට ඇති බව පවසා මිත්තණිය ගෙදරින් පිට කර ඇති බවත්, ඉන්පසුව මිත්තණිය සිටීද, නො සිටී ද, යන්න පවා සොයා බැලීමට කාරුණික වී නොමැති බවත් පැවසූ නීතිඥවරයා අඩුම තරමේ දුරකතන ඇමතුමක් හෝ ලබාදී නොමැති බවද අධිකරණයට කරුණු ඉදිරිපත් කරමින් සඳහන් කළා.

එහිදී අධිකරණය ඉදිරියේ සාක්ෂි දෙමින් තනාෂා සතරසිංහ මහත්මිය සදහන් කර ඇත්තේ,
“ආච්චි හෘද රෝගයෙන් පෙළෙන බව දන්නෙ නෑ. රෝගයකින් පෙළෙන බවට ආච්චි කිව්වා නම් හරි,අවශ්‍ය නම් ඇය ට ප්‍රතිකාර ගන්න මුදලක් දෙන්න පුළුවන්,මේ නඩුව දානකම් ආච්චිව දැක්කෙ නෑ මේ නඩුව දානකම් ආච්චිව හමු වුණේ නෑ ” ලෙසයි.

දෙපාර්ශවය සාක්ෂි හා කරුණු සලකා බැලූ ප්‍රධාන දිසා විනිසුරුවරිය පැමිණිලිකාර මිත්තණිය වැඩි බර සහිතව සිය පැමිණිල්ල ඔප්පු කර ඇති බවත් , විත්තිකාර මිනිපිරිය ස්තුති පූර්වක හැඟීමකින් කටයුතු කර නැති බවත් සඳහන් කරමින් නඩු තීන්දුව ප්‍රකාශ කළා.

RECENT ARTICLES - SINHALA

Breaking : තැපැල් ඡන්ද යළිත් කල් යයි

0
පළාත් පාලන මැතිවරණ⁣යේ තැපැල් ඡන්දය දැනට නියම කර ඇති දිනවල නොපැවැත්වෙන බව, මැතිවරණ කොමිසම නිවේදනය කරනවා. පළාත් පාලන මැතිවරණය...

ශ්‍රී ලංකන්, හිල්ටන්, ලිට්‍රෝ විකුණා දැමීමට අනුමැතිය..!

0
2023 මාර්තු 13 වැනි දින එළැඹුණු කැබිනට් තීරණයකට අනුව ව්‍යවසායන් කිහිපයක රජය සතු කොටස් ඉවත් කිරීමට තීරණයකට එළැඹ ඇති බව මුදල් අමාත්‍යවරයාගේ...

ඩයනාගේ නඩුව ගැන අධිකරණයෙන් CIDයට නියෝගයක්

0
රාජ්‍ය අමාත්‍ය ඩයනා ගමගේ මහත්මියගේ පුරවැසිභාවයට අදාළ කරුණු කිහිපයක් සම්බන්ධයෙන් ආගමන හා විගමන පාලකවරයාගෙන් සහ පුද්ගලයින් ලියාපදිංචි කිරීමේ කොමසාරිස්වරයාගෙන් ප්‍රකාශ සටහන් කරගෙන...

RECENT ARTICLES - ENGLISH

IMF agreement: President hasn’t tabled Letter of Intend, alleges Harsha

0
SJB MP Dr. Harsha de Silva alleged President Ranil Wickremesinghe has not tabled the Letter of Intent with regard to the IMF...

Andrew Tate to spend another month behind bars

0
Controversial influencer Andrew Tate and his brother Tristan will remain in custody in Romania for a fourth consecutive month, a court has...

Trump wants to be handcuffed for court appearance in Stormy Daniels case,

0
Donald Trump has told advisers that he wants to be handcuffed when he makes an appearance in court, if he is indicted...