අධ්යාපන අමාත්යාංශය යටතේ පැවැති ගුරු මාරු මණ්ඩලය වහාම ක්රියාත්මක වන පරිදි විසුරුවා හැරීමට කටයුතු කරන බව රජය ඊයේ (17) නිවේදනය කර තිබුණා.
ඒ අනුව ගුරු මාරු මණ්ඩලයේ නිර්දේශ මත ක්රියාත්මක වීමට නියමිතව තිබූ ගුරුවරුන් 12,500කගේ සියලු මාරුවීම් අහෝසි වනු ඇති බවයි එම වාර්තාවල සඳහන්වුණේ.
නව පාසල් වාරය ආරම්භයෙන් පසු ලබන 28 වනදා වනවිට සියලු ගුරු මාරුවීම් එලෙසම ක්රියාත්මක වන බවට ගුරු මාරු මණ්ඩලයේ සාමාජික යල්වල පඤ්ඤාසේකර හිමියන් පවසනවා.
“ මේ වසර 5 ඇතුළත මේ ස්ථාන මාරු කිරීම් නිසා කිසිම පාසලක දරුවන්ගේ අධ්යාපනය පහළ වැටීමක් සිදුවෙලා නැහැ. සුපිරි පන්තියේ විදුහල්පතිවරු 21 දෙනෙක් මේ මාරුවලට විරුද්ධව ඉන්නවා. ඒ පරිපාලනය ඉතාමත්ම බිංදුවට වැටුණු මහන්තත්ත්වයෙන් සිටින විදුහල්පතිවරුන් 21 දෙනෙක්. විවිධ වරප්රසාද ලබන ගුරුවරුන් 1000ක වගේ පිරිසකටත් අවශ්ය විදියට අධ්යාපනය හසුරුවන්න අපි දෙන්නේ නැහැ.
මාරුවීම් සියල්ලක්ම 28 වනදා සිට ක්රියාත්මක වෙනවා. එසේ නිදහස් නොකරන යම් විදුහල්පතිවරයෙක් ඉන්නවා නම් ඔහුට විරුද්ධවත් අපි දැඩි ක්රියාමාර්ග ගන්නවා. සම්පූර්ණ නැවැත්තුවොත් රටම අඩපණ කරනවා කියන එක දැඩිව කියා සිටිනවා” උන්වහන්සේ පවසනවා.