අත්යාවශ්ය හා හදිසි නොවන භාණ්ඩ 623ක් මත දැනට පනවා ඇති 100%ක ආන්තික තැන්පතු අවශ්යතාවය අද සිට ඉවත් කරන බව මහ බැංකු අධිපති අජිත් නිවඩ් කබ්රාල් මහතා පවසනවා.
සාර්ව ආර්ථික සහ මූල්ය පද්ධති ස්ථායිතාව සඳහා වන සය මාසික පෙරදැක්ම ඉදිරිපත් කරමින් මහබැංකු අධිපතිවරයා මේ බව සඳහන් කළා.
මහබැංකු අධිපතිවරයා ආනයනකරුවන්ගෙන් ඉල්ලා සිටියේ ලබා දුන් සහනය අවභාවිත කිරීමෙන් වලකින ලෙසයි.
එමෙන්ම අත්යාවශ්ය ආහාර ද්රව්ය ආනයනකරුවන්ට පහසුකම් සැලසීමට අවශ්ය තරම් ඩොලර් රට තුල ඇති බැවින් අනාගත අවිනිශ්චිතතාව සැලකිල්ලට ගෙන අනවශ්ය තොග රැස් කරගැනීමෙන් වලකින ලෙසද මහ බැංකු අධිපති අජිත් නිවාඩ් කබ්රාල් මහතා ඉල්ලීමක් කළා
එමෙන්ම අධ්යාපනික හා සෞඛ්ය අවශ්යතා සඳහා විදේශ විනිමය අවශ්ය වී සිටින ගනුදෙනුකරුවන් සඳහා කඩිනමින් විදේශ විනිමය මුදා හැරීමට කටයුතු කෙරෙනු ඇති.
බොරතෙල් සඳහා ගෙවීමට අවශ්ය ඩොලර් මහබැංකුව මගින් මුදා හරිමින් ද්රවශීලතාව ඉහළ නැංවීමට පියවර ගන්නා බවද කබ්රාල් මහතා මෙහිදී සදහන් කළා.
ඒ අනුව මහ බැංකු අධිපතිවරයා ජනතාවගෙන් ඉල්ලා සිටින්නේ ඉන්ධන හිඟයක් පිළිබඳ කිසිදු බියක් ඇති නෙකර ගන්නා ලෙසෙයි.
තවද කොවිඩ් වසංගතය නිසා පීඩාවට පත් ව්යාපාරිකයන්ට ණය සහන සැලසීම සඳහා රුපියල් මිලියන 15,000ක් වෙන් කිරීමට මහබැංකුව කටයුතු කරනු ඇති.
එමෙන්ම දැනට අත්හිටුවා ඇති මුදල් හුවමාරු බලපත්ර 23 ක් අද සිට යළි ලබා දීමටද මහ බැංකුව තීරණය කර තිබෙනවා.
සාර්ව ආර්ථික සහ මූල්ය පද්ධති ස්ථායිතාව සඳහා වන සය මාසික පෙරදැක්ම මෙතනින් ? බාගත කරගන්න