2022 වර්ෂය සඳහා වන විසර්ජන පනත් කෙටුම්පත ලබන නොවැම්බර් මස 12 වන දා පස්වරුවේ මුදල් අමාත්‍ය බැසිල් රාජපක්ෂ මහතා විසින් පාර්ලිමේන්තුවට ඉදිරිපත් කිරීමට නියමිත බව රජයේ අභ්‍යන්තර ආරංචි මාර්ග පවසනවා.
අය-වැය සම්බන්ධයෙන් විවාදය දෙසැම්බර් මස 12 වන දා දක්වා පැවැත්වීමට දින නියම කර ඇති බවයි වැඩිදුරටත් වාර්තා වන්නේ.
ඉරිදා සහ පොහොය දින හැරුණු විට අන් සෑම දිනකම විවාදය පැවැත්වීමට කටයුතු යොදා ඇති අතර එහිදී දින 06ක් දෙවන වර කියවීමේ විවාදය සඳහා ද, දින 16ක කාලයක් කාරක සභා අවස්ථාවේ විවාදය සඳහා ද වෙන් කෙරෙන බව වාර්තා වේ.
අය-වැය තෙවන වර කියවීමෙන් පසු දෙසැම්බර් මස 10 වන දින ඒ සඳහා වන ඡන්ද විමසීම පැවැත්වීමට කටයුතු යොදා ඇති බව රජයේ අභ්‍යන්තර ආරංචි මාර්ග සඳහන් කරනවා
