27 C
Colombo
Friday, June 14, 2024
spot_img

මහබැංකුව යළිත් මුදල් අච්චු ගසයි. මාර්තු 18 තවත් ලක්ෂ 559,500 ක් අච්චු ගහලා

- Advertisement -

පසුගිය සිකුරාදා (මාර්තු 18) අච්චු ගැසූ රු. ලක්ෂ 559,500 ක මුදලත් සමඟ වත්මන් රජය බලයට පත්වීමෙන් පසුව අද දක්වා (2020 ජනවාරි සිට 2022 මාර්තු 20 දක්වා) අච්චු ගසා ඇති මුළු මුදල රු. මිලියන දාසය ලක්ෂ විසි පන්දහස් දෙසිය හතලිහ (රු. මිලියන 1,625,240) ක් වන බව හිටපු ආණ්ඩුකාර රජිත් කීර්ති තෙන්නකෝන් මහතා පවසනවා.

1952 වසරේ සිට 2020 දක්වා වසර 62 ක් තුල රජය අච්චු ගැසූ මුදල මෙන් 23 ගුණයක් වත්මන් රජය පසුගිය මාස 26 තුල අච්චු ගසා ඇති බවයි තෙන්නකෝන් මහතා පෙන්වා දෙන්නේ.

ශ්‍රී ලංකාව දැනටමත් ‘අතිධාවන උද්ධමනය‘ ට මුහුණ දී ඇති බවත්, කිසිදු පාලනයකින් තොරව සල්ලි අච්චු ගැසීමට මහ බැංකුවත් කටයුතු කරන්නේ නම් එය ‘ජවන උද්ධමනයක්‘ බවට පත්වීම නොවැලැක්විය හැකි වනු ඇති බවත් කීර්ති තෙන්නකෝන් මහතා සදහන් කරනවා.

2022 පෙබරවාරි 28 සිට මාර්තු 18 දක්වා මහ බැංකුව විසින් රු. මිලියන 188,610 ක් අච්චු ගසා ඇති බවත් එය සාමාන්‍යයෙන් සෑම දවසකටම රු. ලක්ෂ 9,9268 ක් බැගින් අච්චු ගැසීමක් බවත් ඒ මහතා නිවේදනයක් නිකුත් කරමින් සදහන් කරනවා.

සල්ලි අච්චු ගැසීමේන් බඩු මිල වැඩි නොවන බවත්, අච්චු ගැසීම සාමාන්‍ය දෙයක් බවත් විටින් විට පුවත්පත් සාකච්ඡාවල දී පැවසූ අජිත් නිවාඩ් කබ්රාල් මහ බැංකු අධිපති ධූරයට පත් වීමෙන් පසුව රු. ලක්ෂ 4,156,100 ක් අච්චු ගසා ඇති බව කීර්ති තෙන්නකෝන් මහතා පවසනවා.

වත්මන් රජය බලයට පත්වීමෙන් පසුව කිරිපිටි මිල 110% කින් ද, ඉන්ධන 90% කින් ද, ආහාර මිල 20% සිට 50% දක්වාද ඉහළ ගොස් තිබෙනවා.

මේ වන විට දෙවන ලෝක යුද සමයේ ජර්මනියේ ඇතිවූ උද්ධමනයට සමාන ‘අතිධාවන උද්ධමනයක්‘ රටේ පවතිනවා.

උද්ධමනය 20% ඉක්මවූ විට විධිමත් පාලනයකට නතු කර නොගන්නේ නම් එය 100%, 200% ඉක්මවන ‘ජවන උද්ධමනය‘ ක් බවට පත් වන බව ආර්ථික විද්‍යා මුලධර්මයක් වනවා.

අලුත් අවුරුද්දට ආහාර හා ඖෂධ ලබා ගැනීමට ඉන්දීය ණය ආධාර ලබා ගන්නා බවට මුදල් අමත්‍ය බැසිල් රාජපක්ෂ ප්‍රකාශ කරන නමුත්, මේ වනවිට අවුරුදු කන්නට නොව දරුවන්ට, වැඩිහිටියන්ට කුසගිනි නිවා ගැනීමට නොහැකි තත්වයක් මතුව තිබෙනවා.


RECENT ARTICLES - SINHALA

ණය ගැන කොහොමද සතුටු වෙන්නේ ?- රෝහිත අබේගුණවර්ධන

ජාත්‍යන්තර මූල්‍ය අරමුදල ලබා දෙන්නේද ණය නිසා ණය ලැබීම ගැන සතුටු විය නොහැකි බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී රෝහිත අබේගුණවර්ධන මහතා පැවසුවා. මේ...

උද්දිකගේ සුපිරි රංගනය අතේ පත්තු වෙලා

ශ්‍රී ලංකා පොදු ජන පෙරමුණේ අනුරාධපුර දිස්ත්‍රික් හිටපු පාර්ලිමේන්තු මන්ත්‍රී රංගන ශිල්පී උද්දික ප්‍රේමරත්න මහතාගේ අනුරාධපුරයේ පිහිටි නිවස අසලදී ඔහුගේ වාහනයට වෙඩි තබා ඇත්තේ...

දුම්රිය ස්ථානාධිපතිවරු වෘත්තීය ක්‍රියාමාර්ගයකට සුදානමින්

උසස්වීම් ක්‍රමවේදයේ පවතින ගැටලු ඇතුළු ඉල්ලීම් කිහිපයක් මුල් කරගනිමින් වෘත්තීය ක්‍රියාමාර්ගයකට එළඹීමට දුම්රිය ස්ථානාධිපතිවරුන්ගේ සංගමය තීරණය කර තිබෙනවා. සිය ඉල්ලීම් සම්බන්ධයෙන් හෙට (14) පස්වරු 2.00...

POPULAR ARTICLES

ශ්‍රී ලංකා ක්‍රිකට් කණ්ඩායම විකිපීඩියා එකේ ‘ලොන්තයෝ’ වෙලා

විස්සයි විස්ස ලෝක කුසලන තරඟාවලියට සහභාගී වී සිටින ශ්‍රී ලංකා කණ්ඩායමේ දුර්වල ක්‍රීඩා විලාසය සම්බන්ධයෙන් වර්තමානය වන විට ක‍්‍රිකට් ලෝලීන්ගෙන් දැඩි විවේචන එල්ල වෙමින්...

කෙහෙළියට මල්වඩම් යවපු විඩියෝ අධිකරණයට දෙන්න- මහේස්ත්‍රාත් අධිකරණය

හිටපු සෞඛ්‍ය අමා​ත්‍ය කෙහෙළිය රඹුක්වැල්ල මහතාගේ කොළඹ 07 පිහිටි නිල නිවස ඉදිරිපිට මල් වඩම් තැබීම සම්බන්ධයෙන් සංස්කරණය නොකළ වීඩියෝ දර්ශන අධිකරණයට ඉදිරිපත් කරන්නැයි කොළඹ...

සනත් නිශාන්තගේ බිරිඳත් මහින්දට ‘මයිනා’ කියලා

මහින්ද රාජපක්ෂ නමැති යුහ චරිතය ' මයිනා' නමින් සමාජයේ ගැරහීමට පාත්‍ර වූයේ ජනතාවගේ අනාගතය සුරක්ෂිත කිරීමට බව හිටපු අමාත්‍ය, සනත් නිශාන්තගේ බිරිඳ වන චමරි...