මහ බැංකුවේ නිත්ය තැන්පතු පහසුකම් අනුපාතිකය (SDFR) සහ නිත්ය ණය පහසුකම් අනුපාතිකය (SLFR) පදනම් අංක 250කින් පහළ දැමීමට ශ්රී ලංකා මහ බැංකුව තීරණය කර තිබෙනවා.
ඊයේ (31) ශ්රී ලංකා මහ බැංකුවේ මුදල් මණ්ඩලය මෙම තීරණය ගෙන ඇති බවයි වාර්තා වන්නේ.
ඒ අනුව ප්රතිපත්ති පොලී අනුපාතික පදනම් අංක 250කින් පහත දැමීමටයි තීරණය කර ඇත්තේ.
නව තීරණයට අනුව නිත්ය තැන්පත් පහසුකම් අනුපාතිකය සියයට 13 දක්වාත් ස්ථාවර ණය පහසුකම් අනුපාතිකය සියයට 14 දක්වාත් පහත දමා තිබෙනවා.
මහ බැංකුව නිවේදනය කළේ අපේක්ෂා කළ මට්ටමට වඩා වැඩි වේගයකින් උද්ධමනය පහළ යෑම මත ඊයේ (31) රැස්වූ මුදල් මණ්ඩලය මුදල් ප්රතිපත්තිය ලිහිල් කිරීමට තීරණය කළ බවයි.
මුදල් ප්රතිපත්තිය ලිහිල් කිරීම 2022 වසරේදී නිරීක්ෂණ වූ ඉතිහාසගත ආර්ථික ක්රියාකාරකම් සංකෝචනයෙන් පසු යළි ආර්ථිකය යථා තත්ත්වයට පත් වීම සඳහා මුල්ය වෙලෙඳපොල මත පීඩනය ලිහිල් කිරීමක් අපේක්ෂා කරන බව මහ බැංකුව පවසයි.
මේ අතර මැයි මාසය අවසන් වනවිට මෙරට නිල සංචිතය අමෙරිකානු ඩොලර් බිලියන 3 ඉක්මවා යනු ඇති බවට ශ්රී ලංකා මහ බැංකුව විශ්වාසය පළ කරනවා.