මින් පෙර ජාත්‍යන්තර මූල්‍ය අරමුදලෙන් ලැබුණු මුල්‍ය සහන භාවිත කළ හැකිව තිබුණේ ගෙවුම් ශේෂ අර්බුද සමනය කරගැනීමට වුවත් මෙවර ලැබුණු මූල්‍ය පහසුකමේ විශේෂත්වයක් ඇති බව මහ බැංකු අධිපතිවරයා පවසනවා.
මහ බැංකු අධිපති ආචාර්ය නන්දලාල් වීරසිංහ මහතා මේ බව කියා සිටියේ බ්ලූම්බර්ග් වෙබ් අඩවිය සමඟ විශේෂ සම්මුඛ සාකච්ඡාවකට එක්වෙමින්.
මේ අනුව මෙවර ලැබුණු මුල්‍ය පහසුකම අරමුදල් රාජ්‍ය මුල්‍ය කටයුතු පවත්වාගෙන යාම සඳහා භාවිත කිරීමට හැකියාව ලැබී ඇති බවයි ඔහු පවසන්නේ.
මේ අතර ජාත්‍යන්තර මුල්‍ය අරමුදලේ පළමු වාරිකය ලැබුණු බව ජනාධිපති රනිල් වික්‍රමසිංහ මහතා පවසනවා.
ඔහු මේ බව කියා සිටියේ අද (22) IMF වාර්තාව පාර්ලිමේන්තුවේදී සභාගත කරමින් මෙම විශේෂ ප්‍රකාශයක් සිදුකළා.
ඒ අනුව ජාත්‍යන්තර මූල්‍ය අරමුදලින් ඩොලර් බිලියන 3ක විස්තීර්ණ මූල්‍ය පහසුකමක් ලබාදීමට සඳුදා එකඟතායකට එළැඹි අතර, එහි පළමු වාරිකය ලෙස ඩොලර් මිලියන 333ක් ලැබි ඇති බවයි වාර්තා වන්නේ.
