ඉරාන ජනාධිපති ආචාර්ය ඉබ්රාහිම් රයිසි මහතා සිය නිල සංචාරය නිම කරමින් ඔහු පැමිණි විශේෂ ගුවන් යානයෙන් ඊයේ(24) රාත්රියේ දිවයිනෙන් පිටව ගොස් තිබෙනවා.
ඊයේ රාත්රියේ ශ්රි ලංකාව සහ ඉරානය අතර නව ගිවිසුම් 05කටද අත්සන් තැබුණා.
මෙරටට පැමිණ සිටි ඉරාන ජනාධිපති ආචාර්ය ඉබ්රාහිම් රයිසි මහතා සහ ජනාධිපති රනිල් වික්රමසිංහ මහතා ඉදිරියේ මෙම ගිවිසුම් අත්සන් තැබුවේ ජනාධිපති කාර්යාලයේදී.
මෙහිදී ශ්රී ලංකා ජාතික පුස්තකාලය , ඉරාන ජාතික පුස්තකාලය සහ ලේඛනාගාරය අතර සහයෝගිතා ගිවිසුමට අත්සන් තබා තිබෙනවා.
මේ අතර, ජාතික චිත්රපට සංස්ථාව සහ ඉරානයේ සංස්කෘතික හා ඉස්ලාමීය මාර්ගෝපදේශන අමාත්යාංශය අතර චිත්රපට කර්මාන්තයේ සහයෝගිතාව පිළිබඳවද අවබෝධතා ගිවිසුමකට ද අත්සන් තැබු අතර මාධ්ය සංචාරක ක්ෂේත්ර සඳහා මෙන්ම දෙරට අතර සමුපකාර සේවා සම්බන්ධයෙන් ද මෙහිදී ගිවිසුම් අත්සන් කළ බව සඳහන්.
ගිවිසුම් සදහා අත්සන් කිරීමෙන් අනතුරුව ඉරාන ජනාධිපති ආචාර්ය ඉබ්රාහිම් රයිසි සහ ජනාධිපති රනිල් වික්රමසිංහ යන මහත්වරුන් ඒකාබද්ධ මාධ්ය හමුවකටද එක්ව තිබුණා.
එහිදී ඉරාන ජනාධිපතිවරයා කියා සිටියේ, ශ්රී ලංකාව හා ඉරානය අතර දේශපාලන , ආර්ථික , වෙළද සහ සංස්කෘතික සබඳතා පුළුල් කිරිම සම්බන්ධයෙන් කිසිදු සීමාවක් නොමැති බවයි.
උමාඔය බහුකාර්ය සංවර්ධන යෝජනා ක්රමය ජනතා අයිතියට පත් කිරීමේ උත්සවයට සහභාගි වීම සඳහා ඉරාන ජනාධිපති ආචාර්ය ඉබ්රාහිම් රයිසි මහතා ඊයේ පෙරවරුවේ මෙරටට පැමිණියා.