නව ත්‍රස්ත මර්දන පනත් කෙටුම්පතට කිසිදු මූලික වෙනසක් සිදු නොකරන බව අධිකරණ අමාත්‍ය විජයදාස රාජපක්ෂ පවසනවා.
ඒ, අදාල පනත් කෙටුම්පත එරෙහිව එල්ල වන විවේචන සම්බන්ධයෙන් අදහස් දක්වමින්.
දැනටමත් ගැසට් නිවේදනය මගින් ප්‍රකාශයට පත් කර ඇති පනත් කෙටුම්පත විවාදය සඳහා පාර්ලිමේන්තුවට ඉදිරිපත් කර නීතිගත කිරීමට නියමිතයි.
එල්ටීටීඊ ත්‍රස්තවාදය සම්බන්ධයෙන් ප්‍රධාන වශයෙන් ක්‍රියාත්මක වූ ත්‍රස්තවාදය වැළැක්වීමේ පනත අහෝසි කරමින් මෙය ක්‍රියාත්මක කිරීමට නියමිත වන අතර යුද්ධය අවසන් වූ පසු, ත්‍රස්තවාදයට එරෙහිව ජාත්‍යන්තර ප්‍රමිතීන්ට අනුකූල වන නව නීතියක් මගින් ත්‍රස්තවාදය වැළැක්වීමේ පනත ඉවත් කරන ලෙස එක්සත් ජාතීන්ගේ මානව හිමිකම් කවුන්සිලය (UNHRC) ඇතුළු ජාත්‍යන්තර ප්‍රජාවේ කොටස්වල බලපෑම් රජයට එල්ල විය.
නව පනත් කෙටුම්පතේ විධිවිධාන සම්බන්ධයෙන් දෙමළ ජාතික සන්ධානය (ටීඑන්ඒ) වැනි පක්ෂ දැනටමත් විරෝධතා මතු කර ඇත.
කෙසේ වෙතත්, එක්සත් ජනපදය, ඉන්දියාව, එක්සත් රාජධානිය සහ ජර්මනිය වැනි රටවල ත්‍රස්ත මර්දන නීති අධ්‍යයනය කිරීමෙන් පසුව මෙම පනත ක්‍රියාත්මක වූ බව අමාත්‍ය රාජපක්ෂ පවසනවා.
