ජනාධිපති අරමුදලෙන් ආධාර ඉල්ලා 2020 වසරෙන් පසු අයැදුම් පත් ඉදිරිපත් කළ කිසිවෙකුට ආධාර මුදල් ගෙවා නොමැති බවත් ජනාධිපති ගෝඨාභය රාජපක්ෂගේ පාලන සමය තුළ අයැදුම් කළ කිසිවෙකුට මෙම ආධාර නිකුත් කොට නොමැති බවත් එම අරමුදලේ අභ්යන්තර ආරංචි මාර්ග සඳහන් කරනවා.
2020 වසරේ මුල් භාගයේ අයැදුම්පත් කිහිපයක් වෙනුවෙන් ආධාර මුදල් ගෙවා ඇතත් එසේ ගෙවන ලද්දේ එම වසරට පෙර වසරවල ඉදිරිපත් කරන ලද අයැදුම්පත් සඳහා පමණි.
හෘද සැත්කම්, වකුගඩු බද්ධ කිරීම්, අක්මා බද්ධය, කර්ණ සංඛ බද්ධය ඇතුළු බරපතළ රෝග තත්ත්වයන් සඳහා වන සැත්කම්වලදී වැයවන මුදලින් කොටසක් ජනාධිපති අරමුදලින් ලබාගත හැකි අතර නතර කර තිබුණේ එසේ ආධාර ඉල්ලූ අයැදුම්පත් සඳහා ගෙවීම් සිදු කිරීම ය.
කෙසේ වෙතත්, එම අයැදුම් පත් සඳහා ආධාර මුදල් ගෙවීම පසුගිය දා යළි ආරම්භ කළ බවයි මේ සම්බන්ධව අදහස් දක්වමින් එම අරමුදලේ අභ්යන්තර ආරංචි මාර්ග සඳහන් කරන්නේ.