මෙරට පවතින වත්මන් තත්ත්වය මත බස්නාහිර පළාත තුළ ක්‍රියාත්මක වන උද්ඝෝෂණ මැඩපැවැත්වීම සඳහා කැරලි මර්දන උපකරණ ලබා දෙන මෙන් ඉල්ලා පොලිස් මුලස්ථානය දිවයිනේ පොලිස් කොට්ඨාශ 12ක් වෙත විශේෂ දැනුම් දීමක් සිදුකර තිබෙනවා.
පොලිස් මුලස්ථාන ආරංචි මාර්ග පෙන්වා දෙන්නේ ජ්‍යෙෂ්ඨ නියෝජ්ය පොලිස්පති සජීව මැදවත්ත මහතාගේ අත්සනින් යුතුව මෙම ලිපිය පොලිස් කොට්ඨාස වෙත යොමු කර ඇති බවයි.
එහිදී ගෑස් මුහුණු ආවරණ, කැරලි පලිහල, ආරක්ෂක හිස් වැසුම්, රබර් මුගුරු ලබා දෙන මෙන් ඉල්ලා මෙම දැනුම් දීම සිදුකර ඇති බව සඳහන්.
එම ආරංචි මාර්ග වැඩිදුරටත් පෙන්වා දෙන්නේ අනුරාධපුරය , මඩකලපුව, ඇල්පිටිය, කුරුණෑගල , මාතලේල, පොලොන්නරුව, තංගල්ල, මහනුවරල කන්තලේ, නුවරඑළිය, පුත්තලම, ත්‍රිකුණාමලය යන පොලිස් කොට්ඨාසවලින් මෙම ඉල්ලීම සිදුකර ඇති බවයි.
