අරගලය තවදුරටත් සාමකාමී නොවන බව දින ගණනාවක් සැඟව සිටි මහින්ද රාජපක්ෂ පවසනවා.
ඒ, අද (10) දින පාර්ලිමේන්තුවේදී විශේෂ ප්‍රකාශයක් සිදු කරමින්.
මැයි මස 09වන දින අරලියගහ මන්දිරය ඉදිරිපිට සිදුවූ පහරදීමටත් ඉන් අනතුරුව ගාලු මුවදොර පිටියේදී සිදුවූ පහරදීමටත් ඉඩ සැලසීමට අදාලව මහින්ද රාජපක්ෂට චෝදනා එල්ල විය.
ඉන් පසුව මාසයක පමණ කාලයක් ජනතාවගෙන් වසන් වී සිටි මහින්ද රාජපක්ෂ අද දින පාර්ලිමේන්තුව අමතමින් පවසා සිටින්නේ අරගලකරුවන්ගේ අත්වල ලේ තැවරී ඇති බවයි.
අරගලභූමියේ සිටි ආගමික නායකයන් ප්‍රචණ්ඩත්වය නතර කිරීමට කටයුතු නොකළ බවට චෝදනා කරන මහින්ද රාජපක්ෂ හට තමන්ගේ අරලියගහ මැදුරේ සිට පැමිණි මැරයන්ගෙන් ගුටි කන අතරතුර කිසිවෙකුටත් බණ කීමට නොහැකි බව අමතක වී ඇති බව පෙනේ.
ප්‍රචණ්ඩත්වය උත්කර්ෂයට ලක් නොකරන නමුත් සාමකාමී ජනතා අරගලයක් ප්‍රචණ්ඩත්වයෙන් මැඩ පැවැත්විය හැකි බවට සිතා කටයුතු සිදු වීමට ඉඩ හැරි ඇතැමුන් ඉන්පසු ජනතාවටම චෝදනා කිරීම ‘සංවේදී නායකයෙකු’ ලෙසට කලක් ලේබලයක් අලවාගත් පුද්ගලයෙකුට නොගැලපෙන බව අප සිතමු.
