පසුගිය වසර තුනක කාලයක් අලුත් අවුරුද්ද සැමරීමට ජනතාවට අවස්ථාව හිමි නොවු බව පාර්ලිමේන්තු මන්ත්‍රී වජිර අබේවර්ධන මහතා පවසනවා.
නමුත් රටේ සියලු ජනතාවට මෙවර අලුත් අවුරුද්ද සැමරීමට හැකි පරිසරයක් ජනාධිපති රනිල් වික්‍රමසිංහ මහතා නිර්මාණය කර තිබෙන බව අබේවර්ධන මහතා සඳහන් කරනවා.
පාර්ලිමේන්තු මන්ත්‍රී වජිර අබේවර්ධන මහතා මේ බව සඳහන් කර සිටියේ ‘ස්ථාවර රටකට සැවොම එක මඟකට’ මැයෙන් ඊයේ (27) ජනාධිපති මාධ්‍ය කේන්ද්‍රයේ පැවති ප්‍රවෘත්ති සාකච්ඡාවට එක්වෙමින්.
ජනාධිපති රනිල් වික්‍රමසිංහ මහතා මේ රට ආර්ථික වශයෙන් ගොඩනඟා තිබෙන බවත් එතුමාට සියලු ජනතාවගේ කෘතවේදීත්වය හිමිවිය යුතු බවත් අබේවර්ධන මහතා තවදුරටත් පවසා සිටියා.
