අද (30) පෙරවරු 8 සිට එක්දින වැඩ වර්ජනයක නිරත වන බව දුම්රිය එංජින් රියදුරන්ගේ සංගමය පවසනවා.
එහි ලේකම් ඉන්දික දොඩම්ගොඩ මහතා සදහන් කරන්නේ දුම්රිය ප්රවේශ පත්ර විද්යුත් ක්රමයකට නිකුත් කිරීමට අදාළ ව්යාපෘතියක් විදෙස් සමාගමකට ලබාදීමට විරෝධය පළ කරමින් මෙම වෘත්තිය සමිති ක්රියාමාර්ගය ආරම්භ කරන බවයි.
මේ පිළිබඳ සාකච්ඡා වට කිහිපයක් සිදුකළත් ඒ සඳහා නිසි පිළිතුරක් නොලැබීම හේතුවෙන් මෙම වෘත්තීය ක්රියාමාර්ගය ගත් බව ද දොඩම්ගොඩ මහතා පවසනවා.
දුම්රිය ධාවනය අඬාලවීමෙන් දුම්රිය මගීන්ට සිදුවන අපහසුතාවය පිළිබඳ කණගාටුව ප්රකාශ කරන බව ද ඒ මහතා වැඩිදුරටත් සඳහන් කරනවා.
“පසුගිය මාස කිහිපයක සිටම ජනාධිපතිවරයා ඇතුළු රජයේ ඉහළ බලධාරීන්ට වගේම දුම්රිය දෙපාර්තමේන්තුව සහ ප්රවාහන අමාත්යාංශ මට්ටමින් අපි දිගින් දිගටම දැනුවත් කළා කොළඹ තදාසන්න ව්යාපෘති කාර්යාලය නමින් පිහිටුවා ගත්ත ආයතනයක් තියෙනවා. මේකෙන් මේ වෙන කොට විශාල මුල්ය වංචාවක් ගන්නාවක් සිදුකරලා තියෙනවා. ආසියානු සංවර්ධන බැංකුව ණය අරගෙන ව්යාපෘතිවල සක්යතා අධ්යයන කරන්න කියලා ඩොලර් මිලියන 28ක් විතර මේ වෙන කොට වියදම් කරලා. මේ සඳහා අවසාන වශයෙන් අපට මැදිහත් වෙන්න තියෙන්නේ මේ වෘත්තීය ක්රියාමාර්ගයට අවතීර්ණ වෙලා.“