ට්විටර් සමාගමේ සියලු කාර්යාල ගොඩනැගිලි වහාම ක්රියාත්මක වන පරිදි තාවකාලිකව වසා දමන බව එහි සේවකයන්ට දැනුම් දී තිබෙනවා.
ඒ අනුව ලබන සඳුදා සිට නැවත කාර්යාලය විවෘත කරන බවයි සේවකයින්ට දැනුම් දී ඇත්තේ.
විවිධ මාධ්යවල පුවත්පත් හෝ වෙනත් ස්ථානවල රහසිගතව සමාගමේ තොරතුරු සාකච්ඡා කිරීමෙන් වළකින ලෙස සේවයකයින්ගෙන් ඉල්ලා ඇති බවයි විදෙස් මාධ්ය වාර්තා වැඩිදුරටත් වාර්තා කරන්නේ.
මේ අතර ට්විටර් සමාගමේ නව හිමිකරු වන ලොව ධනවත්ම පුද්ගලයා වන ඉලෝන් මස්ක් එම සමාගමේ සේවකයින් වෙත තවත් විශේෂ ඊමේල් පණිවිඩයක් යවා තිබෙනවා.
දිනකට වැඩි කාලයක් වැඩි කැපවීමෙන් යුතුව වැඩ කළ යුතුයි. නැතිනම් ඔවුන් සමාගමෙන් ඉවත්ව යා යුතු බවයි ඔහු එම පණිවිඩයෙන් දන්වා ඇත්තේ.
සමාඟමේ තවදුරටත් රැඳී සිටීමට කැමති සේවකයින් ඊට අදාළ ප්රතිඥාවක් ලබා දීමට එකඟ විය යුතු බව ඉලෝන් මස්ක් සේවකයන්ට දැනුම් දී තිබෙනවා.
මස්ක් සේවයකන්ට පෙන්වාදී ඇත්තේ මෙම ප්රතිඥාවට ඊයේ (17) දිනය වන විට එකඟතාව පළ නොකරන සේවකයින්හට මාස තුනක වැටුප් ගෙවා සේවයෙන් ඉවත් විය හැකි බවයි.
වැඩිදුරටත් ඔහු තම සේවක මණ්ඩලයට දැනුම් දී ඇත්තේ සාර්ථක වීමට නම් ඒ සඳහා අප දැඩිව කැප විය යුතු බවයි.