දෙනියාය ප්රදේශයේ ප්රසිද්ධ පාසලක නිවාසාන්තර ක්රීඩා උළෙලේ නිවාස ඉදිකිරිම සඳහා උණ ගස් කැපිමට ගිය විද්යාලයේ සිසුන් දෙදෙනෙකුට විදුලිසැර වැදිම හේතුවෙන් රෝහල්ගත කර තිබෙන බවට වාර්තා වනවා.
විද්යාලයේ නිවාසාන්තර ක්රීඩා උළෙල ඊයේ (28) දින පැවැත්විමට නියමිතව තිබු අතර ක්රීඩා උත්සවයේ නිවාස ඉදිකිරිම අවශ්ය උණ ගස් කැපිම සඳහා විද්යාල භුමියේ පිහිටි උණ පඳුරකින් උණ ගසක් කැපීමට විද්යාලයේ සිසුන් දෙදෙනෙකු විසින් කටයුතු කර තිබෙනවා.
එහිදි කපන ලද උණ ගසක් අසල ස්ථාපිත කොට ඇති විදුලි ට්රාන්ස්ෆෝමර්යට සවි කර ඇති අධිබලැති විදුලි රැහැන් පද්ධතියක ගැටීම නිසා සිසුන් දෙදෙනාට විදුලි සැර වැදි ඇති බවයි සදහන් වන්නේ.
එහිදි විදුලි සැර වැදුනු සිසුන් දෙදෙනා කඩිනමින් දෙනියාය මුලික රෝහලට ඇතුලත් කිරිමට පියවර ගෙන ඇති අතර අනතුරුව එක් සිසුවෙකු වැඩිදුර ප්රතිකාර සඳහා මාතර මහ රෝහල වෙත මාරු කර යැවිමට පියවර ගෙන තිබෙනවා.
එම අනතුරින් රෝහල්ගත කොට ඇත්තේ දෙනියාය ප්රදේශයේ පදිංචි සිසුන් දෙදෙනෙකු වන අතර ඔවුන්ගේ තත්වය බරපතල නොවන බව රෝහල් ආරංචි මාර්ග සඳහන් කරනවා.