පිටිගල පොලිස් වසමේ ගුරුවල ප්රදේශයේ වෙළෙඳසැලක් ඉදිරිපිට සිදුකළ වෙඩිතැබීමේ සිද්ධියට සම්බන්ධ සැකකරුවන් දෙදෙනෙක් අත්අඩංගුවට ගෙන තිබෙනවා.
එම සැකකරුවන් ඊයේ (16) තල්ගස්වල ප්රදේශයේදී අත්අඩංගුවට ගෙන තිබුණා.
පොලිසිය පවසන්නේ, මෙලෙස අත්අඩංගුවට ගනු ලැබුවේ, එම අපරාධය සැලසුම් කරන ලද සැකකරුවෙකු හා ඊට ආධාර අනුබල දුන් සැකකරුවෙකු බවයි.
ඔවුන් තල්ගස්වල ප්රදේශයේ පදිංචි 35 හැවිරිදි පුද්ගලයින් දෙදෙනෙක්.
එම අපරාධය සඳහා යොදාගත් බවට සැලකෙන ජංගම දුරකථන 03ක් හා යතුරුපැදි 02ක් පොලිස් භාරයට ගෙන තිබෙනවා.
පසුගිය 11 වනදා පිටිගල පොලිස් වසමේ ගුරුවල හන්දිය ප්රදේශයේ වෙළෙඳසැලක් අසලදී යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් ටී 56 ගිනි අවියකින් වෙඩිතබා ද්විත්ව මනුෂ්ය ඝාතනයක් සිදුකර තවත් පුද්ගලයින් දෙදෙනෙකුට බරපතළ තුවාල සිදුකර තිබුණා.