කුප්‍රකට මැයි 9 වැනිදා ගලුමුවදොර සාමකාමී අරගලයට පහරදීමේ සිද්ධියට සම්බන්ධව පොදුජන අධ්‍යාපන සේවා සංගමයේ සභාපතිවරිය වන වසන්තා හඳපාන්ගොඩ ඇතුළු හය දෙනෙක් පොලීසිය විසින් අත්අඩංගුවට ගෙන තිබෙනවා.
වසන්තා හඳපාන්ගොඩ නැමැති කාන්තාව ශ්‍රී ලංකා පොදුජන පෙරමුණ වෙනුවෙන් පෙනී සිටිමින් පසුගිය කාලය පුරාවට ගුරු ඉල්ලීම් හා ගුරු වෘත්තීය අරගල සියල්ලට අකුල් හෙළමින් කටයුතු කළා.
ශ්‍රී ලංකා පොදුජන පෙරමුණ හා ආණ්ඩුව වෙනුවෙන් ප්‍රසිද්ධියේ පෙනී සිටිමින් අනෙකුත් ගුරු සංගම් හා එහි නායකයන් නිර්දය ලෙස විවේචනය කළ ඇය ගෝල්ෆේස් අරගලකරුවන්වද විවේචනය කරන අයුරු දක්නට ලැබුණා.
පසුගිය මැයි 09 වනදා මහින්ද රාජපක්ෂ ධූරයෙන් ඉල්ලා අස්වීමේ අවසන් රැස්වීම සඳහා ඇයද අරලියගහ මන්දිරයට පැමිණ තිබූ අතර පසුව ගෝඨාගෝගමට පහරදීමෙන් අනතුරුව පුරවැසියන් විසින් ඇයව අල්ලාගෙන මහමඟදී පහරදී තිබුණා.
