ග්ලයිෆොසෙට් තහනම ඉවත් කිරීම සම්බන්ධයෙන් පළිබෝධනාශක රෙජිස්ට්‍රාර්වරයාව ධුරයෙන් ඉවත් කර පරීක්ෂණයක් සිදු කරන බව කෘෂිකර්ම අමාත්‍ය මහින්දානන්ද අලුත්ගමගේ මහතා සඳහන් කරනවා.
ග්ලයිෆොසෙට් ඇතුළු පළිබෝධ නාශක 5 ක් තහනම් කරමින් 2014 වසරේ නිකුත් කළ ගැසට් නිවේදනය පළිබෝධ නාශක රෙජිස්ට්‍රාර්වරයාගේ නියමයෙන් නිකුත් කරන ලද ගැසට් නිවේදනයක් මගින් (22) අවලංගු කළා.
කෙසේ වෙතත් මේ පිළිබදව අදහස් දක්වමින් පළිබෝධනාශක රෙජිස්ට්‍රාර් ආචාර්ය ජේ.ඒ. සුමිත් මහතා පවසන්නේ තමන්ව ධූරයෙන් ඉවත් කිරීමට අමාත්‍යවරයාට නොහැකි බවයි.
නීති කෙටුම්පත් දෙපාර්තමේන්තුවේ අනුමැතිය මත ග්ලයිෆොසෙට් ඇතුළු පළිබෝධනාශක කිහිපයක් සඳහා පනවා තිබු තහනම ඉවත් කර ගැසට් නිවේදනය නිකුත් කළ බව ඒ මහතා පෙන්වා දෙනවා.
