වරාය නගර ආර්ථික කොමිෂන් සභාව පිහිටුවිමට අදාල පනත් කෙටුම්පතට විරුද්ධ වීමේ අවශ්‍යතාවක් නොතිබූ බව හිටපු ජනාධිපති, වත්මන් පාර්ලිමේන්තු මන්ත්‍රී මෛත්‍රීපාල සිරිසේන මහතා පවසයි.
කොළඹ වරාය නගර ව්‍යාපෘතියට අදාළව පාර්ලිමේන්තුවේදී සම්මත වූයේ ශ්‍රේෂ්ඨාධිකරණය වෙත ඉදිරිපත්වූ කෙටුම්පත නොවන බවත්, සම්මත වූයේ අධිකරණය විසින් ඉදිරිපත් කරන ලද සංශෝධනවලට යටත් වූ පනතක් බවත් ඒ මහතා පෙන්වා දෙනවා.
මෛත්‍රිපාල සිරිසේන මහතා මේ බව සඳහන් කළේ අදට (22) දී තිබෙන ජනරජය දිනය නිමිත්තෙන් බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ දී සංවිධානය කර තිබුණු සැමරුමට සහභාගී වෙමින්.
කෙසේවෙතත් පාර්ලිමේන්තුවට මුලින් ඉදිරිපත් කළ පනත් කෙටුම්පතේ වගන්ති රැසකට එකඟ විය නොහැකි බවක් තිබුණද එය ශ්‍රේෂ්ඨාධිකරණයට ඉදිරිපත් කිරීමෙන් පසු එම වගන්ති සියල්ල සංශෝධනය කෙරුණු බවයි මෛත්‍රීපාල සිරිසේන මහතා අවධාරණය කර සිටින්නේ.
සබැඳි ලිපි..
