ලොව පුරා වෙසෙන කෝටියක පමණ ජනකායක් ඊයේ දිනයේ එකම වේලාවකදී ප්රචලිත යෝග ආසනයක් වන සූර්ය නමස්කාරය සිදුකළහ.
ඉන්දියාවේ ආයුර්වේද අමාත්යංශය මගින් සංවිධානය කර තිබූ මෙම වැඩසටහන අන්තර්ජාලය ඔස්සේ ලොව පුරා පිරිස් සම්බන්ධ කරගෙන මෙහෙයවනු ලැබිණ.
මෙහිදී අදහස් දැක්වූ ඉන්දීය ආයුර්වේද කටයුතු අමාත්ය සර්බානන්ද සෝනවාල් සදහන් කළේ මෙම ලොව පුරා ජනතාවගේ ශාරීරික සහ මානසික සෞඛ්යය ඉහළ නැංවීම සදහා මෙම වැඩසටහන සංවිධානය කළ බවයි.
ඉන්දීය අගමැති නරේන්ද්ර මෝදිගේ සෘජු අධීක්ෂණය යටතේ ඉන්දියාව විසින් යෝග ව්යායාම ලොව පුරා ප්රචලිත කිරීම සදහා මේ වනවිට වැඩසටහන් ගණනාවක් දියත් කර තිබේ.