මෙවර රට වසා දැමූ කාල සීමාවේ සහ මීට පෙර රව වසා දමා තිබූ කාලය තුළ මත්පැන් අලෙවිසැල් වසා දැමීම හේතුවෙන් සුරාබදු දෙපාර්තමේන්තුවට රුපියල් බිලියන 30 ක පාඩුවක් සිදුවී ඇති බව වාර්තා වනවා.
සුරාබදු දෙපාර්තමේන්තු ආරංචි මාර්ග පවසන්නේ මැයි හා ජුනි මස රට වසා දමා තිබියදී රුපියල් බිලියන 15 ක ආදායමක් එම දෙපාර්තමේන්තුවට අහිමිව ගිය බවත් මේ වන විටද තවමත් රට වසා දමා ඇති බැවින් ඊට සමාන ආදායම් අහිමිවීමක් වාර්තා වන බවයි.
කෙසේ වෙතත් මීට පෙර රට වසා දමා තිබියදී Online ක්‍රමයට නිවසටම මත්පැන් බෙදාහැරීමේ ක්‍රමවේදයක් පිළිබදව සුරාබදු දෙපාර්තමේන්තුවේ අවධානය යොමුවුවද ඊට සෞඛ්‍ය අංශවලින් හා විවිධ ආගමික කණ්ඩායම්වලින් දැඩි විරෝධයක් එල්ලවීම නිසාවෙන් එම ක්‍රමය අත්හැර දැමීමට සුරාබදු දෙපාර්තමේන්තුව කටයුතු කළා.
නමුත් මේ වන විටත් කළු කඩ මගින් අවිධිමත්ව මත්පැන් අලෙවි කරන අතර එය සාමාන්‍ය මත්පැන් බෝතලයක මිලට වඩා දෙගුණයක් හෝ ඊටත් වැඩි මිලකට අලෙවි වන බවයි වාර්තා වන්නේ.
මෙමගින් රජයට හිමිවිය යුතු බදු ආදායමද අහිමිවනවා.
