ලෝක නෙට්බෝල් සංවිධානය විසින් සංක්රාන්ති ලිංගික කාන්තාවන්ට අන්තර්ජාතික කාන්තා නෙට්බෝල් තරඟ සඳහා ක්රීඩා කිරීම තහනම් කර තිබෙන බව විදෙස් මාධ්ය වාර්තා කරනවා.
එම සංගමය විසින් සහභාගීත්වය පිළිබඳ නව ප්රතිපත්තිය නිකුත් කිරීමෙන් පසු වහාම ක්රියාත්මක වන පරිදි මෙම තහනම පනවා තිබෙනවා.
ලෝක නෙට්බෝල් සංවිධානය පවසා ඇත්තේ, දීර්ඝ උපදේශන ක්රියාවලියකින් පසුව අන්තර්ජාතික කාන්තා දැල්පන්දු “ස්ත්රී පුරුෂ සමාජභාවයට බලපාන ක්රියාකාරකමක්” බව තීරණය කළ බවයි.
සාධාරණත්වය සහ ආරක්ෂාව සහතික කිරීම සඳහා නව ප්රතිපත්තියක් අවශ්ය වූ බවත්, ඒ අනුව “ස්ත්රී පුරුෂ සමාජභාවය නොසළකා උපතේදී කාන්තාවක් ලෙස සටහන් වූ” ක්රීඩිකාවන්ට හෝ ලෝක දැල්පන්දු සංවිධානය වෙත කිසිම අවස්ථාවක ටෙස්ටොස්ටෙරෝන්වල ජීව විද්යාත්මක බලපෑම් අත්විඳ නොමැති බව පෙන්නුම් කිරීමට අපොහොසත් සංක්රාන්ති ලිංගික ක්රීඩක ක්රීඩිකාවන්ට අන්තර්ජාතික මට්ටමේ කාන්තා දැල්පන්දු ක්රීඩාව තහනම් වනවා.
ලෝක නෙට්බෝල් සංවිධානය පැවසුවේ, ජාතික පාලන ආයතනවලට ඔවුන්ගේ සහභාගීත්ව නීති වෙනත් සාධක මත පදනම් කිරීමට තීරණය කළහොත් මෙම මාර්ගෝපදේශ වෙනස් කිරීමට හෝ නොයෙදීමට හැකි බවයි.
අනෙකුත් ක්රීඩාවල සමාන පියවරයන් අනුගමනය කරන අන්තර්ජාතික ප්රතිපත්තිය ලෝක නෙට්බෝල් සංවිධානය විසින් ද වාර්ෂිකව සමාලෝචනය කරනු ලැබෙනවා.