මෙරටට පැමිණෙන විදේශිකයන්ට අපහසුතා ඇති කරන ඕනෑම අයකුට එරෙහිව දැඩි පියවරගන්නා බව සංචාරක රාජ්ය ඇමැති ඩයනා ගමගේ පවසනවා.
ඇතැම් සුළු පිරිසක් නින්දිත ලෙස කටයුතු කරමින් මෙවැනි අශෝභන හැසිරීම් වල නිරත වීම සම්බන්ධයෙන් ඇය මෙහිදි කණස්සල්ල ද පළ කර සිටියා.
මෙම පුද්ගලයින්ගේ ක්රියාකාරකම් රටේ කීර්ති නාමයට තර්ජනයක් වන අතර ඒ සම්බන්ධයෙන් ඉවසීමෙන් කටයුතු කළ නොහැකි බව ඇය පෙන්වාදෙනවා.
වත්මන් සංචාරකයන් හොඳින් දැනුවත් පිරිසක් බවත් ඔවුන්ව පහසුවෙන් නොමඟ යැවිය නොහැකි බවත් රාජ්ය ඇමැතිවරිය අවධාරණය කරනවා.
ඇය මෙම අදහස් පළකළේ සංචාරකයන්ට පහත් ලෙස සැළකීම සහ ආහාර වේල් සඳහා අධික ලෙස මුදල් අයකිරීමේ සිද්ධීන් දෙකක් පසුගියදා කළුතර සහ කොළඹ අලුත්කඩේ ප්රදේශයෙන් වාර්තා වීම සම්බන්ධයෙන් ප්රතිචාර දක්වමින්.